Книга От Луки Cтих 24 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Раббы, тагын җитмеш ике шәкертен сайлап, Үзе барырга җыенган һәр шәһәргә һәм авылга икешәр-икешәр итеп Үзе алдыннан җибәрде.

Һәм аларга әйтте:– Урасы ашлык күп, ә уракчылар аз; шуңа күрә ашлыкның Хуҗасына ялварыгыз, Үзенең ашлыгын урып алу ѳчен, эшчеләр җибәрсен.

Барыгыз! Мин сезне бүреләр арасына бәрәннәрне җибәргән кебек җибәрәм.

Үзегез белән янчык та, биштәр дә, аяк киеме дә алмагыз һәм юлда сәлам бирү ѳчен туктамагыз.

Нинди ѳйгә керсәгез дә иң элек: «Бу йортка иминлек булсын», – диегез.

Анда иминлеккә лаеклы кеше яшәсә, сезнең иминлегегез аның белән калыр; әгәр юк икән, үзегезгә кире кайтыр.

Шул ѳйдә калыгыз, алар нәрсә бирсә, шуны ашагыз һәм эчегез; чѳнки эшче хезмәт хакына лаеклы. Ѳйдән-ѳйгә күчеп йѳрмәгез.

Кайсы да булса шәһәргә килгәч, анда сезне кабул итәләр икән, алдыгызга нәрсә куйсалар, шуларны ашагыз.

Андагы авыруларны савыктырыгыз һәм бар кешеләргә: «Сезгә Аллаһы Патшалыгы якынлашты», – диегез.

Әмма нинди дә булса шәһәргә килеп, анда сезне кабул итмәсәләр, аның урамнарына чыгып, болай дип әйтегез:

«Хәтта шәһәрегезнең аякларыбызга кунган тузанын да үзегезгә кагып калдырабыз; шулай да белегез, Аллаһы Патшалыгы якынлашты».

Сезгә әйтәм: кыямәт кѳнендә ул шәһәргә караганда Сәдүм шәһәренә җиңелрәк булыр.

– Кайгы сиңа, Хоразин! Кайгы сиңа, Бәйтсайда! Чѳнки сездә эшләнгән могҗизалар Тур һәм Сидун шәһәрләрендә күрсәтелгән булса, алар күптән инде тупас киемнәр киеп һәм кѳлгә утырып, тәүбә итәрләр иде.

Әмма кыямәт кѳнендә Тур белән Сидунга сезгә караганда җиңелрәк булыр.

Әй, Кәпәрнаум, әллә сине күккә кадәр күтәрерләр дип уйлыйсыңмы? Юк, үлем патшалыгына кадәр тѳшерелерсең.

Сезне тыңлаучы Мине тыңлый, сезне кире кагучы Мине кире кага; Мине кире кагучы исә Мине Җибәрүчене кире кага.

Җитмеш ике шәкерт, шатлана-шатлана Гайсә янына әйләнеп кайттылар һәм Аңа:– Раббыбыз, без Синең исемеңне кулланганда, безгә хәтта җеннәр дә буйсына, – диделәр.

Ул исә аларга әйтте:– Мин шайтанның күктән яшен кебек егылып тѳшүен күрдем.

Мин сезгә еланнарның, чаяннарның ѳстенә басу һәм барлык дошманнарның кѳчләрен җиңеп чыгу ѳчен хакимлек бирдем, сезгә һичнәрсә зыян китерә алмас.

Әмма рухларның сезгә буйсынуына түгел, бәлки исемнәрегезнең күкләрдә язылганлыгына шатланыгыз.

Шул вакыт Гайсә, Изге Рух белән шатланып әйтте:– Әй, Атам, күк һәм җирнең Хуҗасы. Бу эшләрне зирәкләрдән һәм акыл ияләреннән яшереп, балаларга ачып бирүең ѳчен Сиңа шѳкрана итәм. Әйе, Атам, шулай эшләүне Син яхшы дип таптың!

Миңа һәммәсе дә Атам тарафыннан бирелде; Улының кем икәнен Атасыннан башка беркем дә белми, һәм Атасының кем икәнен Улыннан һәм Улы белдерәсе килгән кешедән башка беркем дә белми.

Һәм шәкертләренә таба борылып, аларга гына әйтте:– Сез нәрсә күрсәгез, шуларны күрүче күзләр бәхетле!

Сезгә әйтәм: күп пәйгамбәрләр һәм патшалар сез күрә торган нәрсәләрне күрергә теләделәр, әмма күрмәделәр, һәм сез хәзер ишеткән нәрсәләрне ишетергә теләделәр, әмма ишетмәделәр.

Параллельные места

1. Петра 1:10

Сезгә биреләчәк мәрхәмәт турында алдан күреп әйткән пәйгамбәрләр бу котылу хакында уйландылар һәм җентекләп тикшерделәр.

Менә бер канунчы урыныннан торды һәм, Гайсәне сынап карарга теләп:– Остаз! Мәңгелек тормыш алу ѳчен миңа нәрсә эшләргә кирәк? – дип сорады.

Гайсә аңа:– Канунда нәрсә язылган? Син аннан нәрсә укыйсың? – диде.

Канунчы болай җавап бирде:– Раббы Аллаһыңны бѳтен йѳрәгең, бѳтен җаның, бѳтен кѳчең вә акылың белән ярат һәм якыныңны үзеңне яраткан кебек ярат.

Гайсә аңа:– Син дѳрес җавап бирдең; шулай эшлә һәм яшәрсең, – диде.

Әмма канунчы, үзен акларга теләп, Гайсәдән:– Ә минем якыным кем соң? – дип сорады.

Гайсә моңа болай дип җавап кайтарды:– Бер кеше Иерусалимнан Әрихәгә барганда юлбасарлар кулына эләккән. Алар аның киемнәрен салдырып алганнар һәм, кыйнап, үлем хәлендә калдырып киткәннәр.

Бер руханига да шул юлдан барырга туры килгән, әмма ул шунда яткан кешене күргәч, юлның икенче ягына чыгып, үтеп киткән.

Шулай ук бер левиле дә узып барышлый, бу кешене күргән һәм ул да, юлның икенче ягына чыгып, аның яныннан китеп барган.

Бер самареяле исә, үтеп барганда, бу кешегә тап булган һәм аны күреп бик кызганган.

Янына килеп, яраларын шәраб белән юган һәм зәйтүн мае сѳртеп бәйләгән; аны үзенең ишәгенә утыртып, кунак йортына алып килгән һәм аның хакында кайгырткан.

Ә икенче кѳнне юлга чыгарга җыенганда, ике динар чыгарып, кунак йорты хуҗасына биргән һәм: «Аның хакында кайгыртчы, әгәр күбрәк сарыф итсәң, кире кайткач түләрмен», – дигән.

Гайсә, йомгаклап, шуны әйтте:– Шушы ѳч кешенең кайсысы, синеңчә, юлбасарлар кулына эләккән кешенең якыны була?

– Аңа шәфкать күрсәткәне, – дип җавап бирде канунчы.Шунда Гайсә аңа:– Бар, син дә шулай эшлә, – диде.

Юлын дәвам итеп, Гайсә шәкертләре белән бер авылга керде; анда Марта исемле бер хатын Аны үз ѳендә кабул итте.

Аның Мәрьям атлы сеңлесе бар икән; ул, Гайсәнең аяк очына утырып, Аның сүзләрен тыңлый иде.

Марта исә бик тырышып табын әзерләп йѳри иде һәм Гайсә янына килеп:– Раббым! Сеңлемнең бѳтен эшне миңа гына калдыруына бер дә пошынмыйсыңмы? Әйт әле аңа, миңа булышсын, – диде.

Гайсә исә аңа:– Марта! Марта! Син күп нәрсә хакында кайгыртасың һәм ыгы-зыгы килеп йѳрисең,

ә бары бер нәрсә генә кирәк. Мәрьям исә яхшырак ѳлешне сайлады, һәм ул аннан алынмас, – дип җавап кайтарды.

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода