Книга К Евреям Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Евреям Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Евреям

1 2 3 4 5 6 7 8 9 10 11 12 13

Бер-берегезне туганнар кебек яратудан туктамагыз.

Кунакчыллык күрсәтергә онытмагыз; болай эшләп, кайберәүләр, үзләре дә белмичә, фәрештәләрне кунак иткәннәр.

Тѳрмәдәге кешеләрне, алар белән үзегез дә тоткынлыкта булган кебек, исегездә тотыгыз. Газап чигүче кешеләрне, үзегез дә алар белән газап чиккән сыман, исегездә тотыгыз.

Никахны һәрьяклап югары бәяләгез, никахыгыз чиста булырга тиеш, чѳнки иренә яисә хатынына хыянәт иткән вә бозык тормыш белән яшәгән кешене Аллаһы хѳкем итәчәк.

Байлык яратмагыз, булганына канәгать булып яшәгез, чѳнки Аллаһы: «Сезне беркайчан да калдырмам вә беркайчан да ташламам», – дигән.

Шуңа күрә кыю булыйк, чѳнки без: «Аллаһы – минем Ярдәмчем, мин курыкмам. Кеше миңа нәрсә эшли алсын?» – дип әйтә алабыз.

Сезгә Аллаһы сүзен җиткергән җитәкчеләрегезне исегездә тотыгыз, аларның гомер нәтиҗәләре турында уйлап, иманнарын үрнәк итеп, аларга иярегез.

Гайсә Мәсих кичә дә, бүген дә һәм мәңгегә шундый ук.

Һәртѳрле чит-ят тәгълиматлар сезне туры юлдан читкә алып китмәсен. Йѳрәкләрегезне ризык ашау турындагы кагыйдәләрне тоту белән түгел, ә Аллаһының мәрхәмәте белән ныгытырга кирәк. Мондый кагыйдәләр аларны үтәүчеләргә файда китермәгән.

Безнең корбан китерү урыныбыз бар, чатырдагы хезмәтчеләрнең андагы корбанны ашарга хакы юк.

Баш рухани хайван канын Иң изге урынга гѳнаһлар бәрабәренә корбан китерергә алып керә, ә хайван түшкәләре исраиллеләрнең вакытлы торак урынының тышында яндырыла.

Параллельные места

К Евреям 9:12

Иң изге урынга Мәсих кәҗә вә бозау каны белән түгел, ә бары бер мәртәбә Үз каны белән керде, кешеләргә мәңгелек котылу тәэмин итте.

Шуның аркасында Гайсә дә, халыкны Үзенең каны белән изгеләндерер ѳчен, шәһәр капкасы тышында газап чикте.

Шуңа күрә, әйдәгез, без, Ул кичергән хурлыкны кичереп, вакытлы торак урынының тышкы ягына Аның янына чыгыйк.

Чѳнки биредә, җирдә, безнең даими тора торган урыныбыз юк, ләкин без килергә тиешле шәһәрне кѳтәбез.

Шуңа күрә Гайсә аркылы Аллаһыга даими рәвештә данлау корбаны китерик, Аның исемен телебез белән мактыйк.

Кешеләргә игелек эшләүне, үзегездә булганны бер-берегез белән бүлешүне онытмагыз – бу Аллаһы ярата торган корбан.

Җитәкчеләрегезне тыңлагыз вә аларга буйсыныгыз. Алар, хисап бирергә тиешле кешеләр буларак, сезнең җаннарыгыз турында кайгырталар. Әгәр аларны тыңлыйсыз икән, алар шатланып эшләрләр, тыңламасагыз, кайгырып эшләрләр, һәм бу сезнең ѳчен файдалы булмас.

Безнең ѳчен дога кылыгыз. Без намусыбызның чиста булуына ышанабыз, чѳнки бар нәрсәдә дѳрес гамәл кылырга телибез.

Мин сездән, Аллаһы сине безнең янга тизрәк кайтарсын иде, дип дога кылуыгызны аеруча үтенәм.

Мәңгелек килешүне раслаучы кан аркасында Раббыбыз Гайсәне, сарыкларның бѳек Кѳтүчесен, тынычлык Аллаһысы үледән терелтте.

Үзенең ихтыярын үтәр ѳчен Аллаһы сезне һәр яхшы нәрсә белән тәэмин итсен, һәм Гайсә Мәсих аша безгә Үзенә мәгъкуль булганны эшләсен. Мәңгелек дан Мәсихкә. Амин.

Имандашларым, сездән бу хатымда биргән киңәшләремә түземлелек белән колак салуыгызны үтенеп сорыйм, чѳнки мин бит кыска гына итеп яздым.

Безнең туганыбыз Тимутенең азат ителгәнен сезгә белдерергә телим. Әгәр дә ул тиздән минем янга килсә, мин аны үзем белән бергә алып, сезне күрергә килермен.

Барлык башлыкларыгызга вә Аллаһының барлык изгеләренә сәлам. Италиядән булган имандашларыбыз сезгә сәлам юллый.

Барыгызга да Аллаһының мәрхәмәте булсын.

← Предыдущая

К Евреям

1 2 3 4 5 6 7 8 9 10 11 12 13

Выбор основного перевода