Книга 2. Коринфянам Cтих 14 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

2. Коринфянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

2. Коринфянам

Следующая →

1 2 3 4 5 6 7 8 9 10 11 12 13

Имандашлар, сезгә Македуниядәге иман итүчеләр бердәмлекләренә бирелгән Аллаһы мәрхәмәте хакында сѳйләргә телибез.

Чѳнки авыр сынау җибәрелгән булуга карамастан, аларның куанычы чиктән ашты, бик нык фәкыйрьлектә булсалар да, чиктән тыш юмартлык күрсәттеләр.

Һәм хәлләреннән килгәнчә һәм хәтта хәлләреннән тыш та алар үз теләкләре белән ярдәм иттеләр – моңа мин шаһит.

Изгеләргә хезмәт итүдә катнаштыруны бик үтенеп сорадылар.

Без ѳметләнгәнне генә эшләп калмадылар, бәлки үз-үзләрен, иң элек, Раббыга, аннан соң, Аллаһы ихтыяры белән, безгә тапшырдылар.

Шуңа күрә без Титустан, бу игелекле эшне ничек башлаган булса, арагызда шулай ук тәмамлавын үтендек.

Ә сез һәрнәрсәдә: иманда һәм сүздә, белемдә һәм һәртѳрле тырышлыкта, безгә булган мәхәббәтегездә ѳстен булган кебек, бу иганә ѳчен игелек күрсәтүдә дә ѳстен булыгыз.

Мин сезгә әмер итеп түгел, ә мәхәббәтегезнең ихласлыгын башкалар тырышлыгы белән сынау ѳчен әйтәм.

Чѳнки сез Раббыбыз Гайсә Мәсихнең мәрхәмәтен беләсез: фәкыйрьлеге аша сез бай булсын ѳчен, бай булган хәлдә Ул сезнең хакка фәкыйрь булды.

Мин бу мәсьәләгә карата файдалы киңәш бирәм: Сез үткән ел ук игелекле эш эшләп кенә калмадыгыз, хәтта үз теләгегез белән иганә дә бирдегез.

Бу эшне хәзер башкарып чыгыгыз! Эшегезгә бик теләп тотынган кебек, хәлегезгә күрә шундый ук тырышлык белән башкарып чыгыгыз.

Чѳнки тырышлык булганда, кемнең нәрсәсе булмауга карап түгел, бәлки нәрсәсе булуга карап бүләге кабул ителә.

Башкаларга җиңеллек, ә сезгә авырлык килү таләп ителми, һәр якка да тигез булсын.

Муллыгыгыз хәзерге вакытта аларның ихтыяҗларын тәэмин итсен, ә аннан соң аларның муллыгы сезнекен тәэмин итәр. Шулай итеп, барысы да тигезләнер.

Параллельные места

2. Коринфянам 9:12

Чѳнки сез башкарган бу хезмәт, изгеләрнең ихтыяҗларын канәгатьләндереп кенә калмыйча, бик күпләрнең Аллаһыга рәхмәтләрен дә мул иттерер.

Изге язмада язылганча: «Күп җыйганның артыгы булмады, Ә аз җыйганның ихтыяҗы булмады».

Сезнең ѳчен дип Титус күңеленә шул ук тырышлыкны салган Аллаһыга рәхмәт яусын!

Чѳнки ул үтенечемне хуплап кына калмады, бәлки бик ашкынып яныгызга үз ихтыяры белән барырга карар кылды.

Аның белән тагын бер имандашыбызны да җибәрәбез. Ул исә барлык иман итүчеләр бердәмлекләрендә Яхшы хәбәр таратуы белән макталган.

Ѳстәвенә, Раббының даны хакына һәм тырышлыгыбызны күрсәтү ѳчен башкара торган игелекле эшебездә иман итүчеләр бердәмлекләре тарафыннан безгә юлдаш итеп тә билгеләнгән ул.

Шундый зур акчалар белән нәрсә эшләвебез хакында, беркем дә тел тидерә алмасын ѳчен, сак булырга тырышабыз.

Чѳнки без Раббы каршында игелекле булган гамәлләрне генә түгел, кешеләр алдында игелекле булганны да кылырга тырышабыз.

Безнең тарафтан тырышлыгы шактый эшләрдә һәм нәрсәләрдә күп тапкырлар сыналган һәм хәзерге вакытта сезгә карата ышанычы булып, тагын да зуррак тырышлык күрсәткән имандашыбызны алар белән бергә җибәрдек.

Титуска килгәндә, ул – минем иптәшем һәм сезнең ѳчен хезмәттәш. Ә инде башка имандашларыбызга килгәндә, алар – иман итүчеләр бердәмлекләренең вәкилләре, Мәсихнең даны.

Шулай итеп, мәхәббәтегезнең һәм сезнең белән мактануыбызның гадел икәнлеген аларга бердәмлекләр алдында исбат итегез.

← Предыдущая

2. Коринфянам

Следующая →

1 2 3 4 5 6 7 8 9 10 11 12 13

Выбор основного перевода