Йесо та ногӕй рацыди денджызы былмӕ. Уырдӕм Ӕм ӕрцыди бирӕ адӕм ӕмӕ сӕ ахуыр кодта.
Йесо бацыд хӕдзармӕ. Уыйбӕрц адӕм та ӕрӕмбырд, ӕмӕ Йесойӕн Йӕ ахуыргӕнинӕгтимӕ бахӕрыны фадат дӕр нал уыди.
Ахӕм фӕсномыг ныхӕстӕй сын Йесо амыдта бирӕ, сӕ бон бамбарын цас уыд, уыйас.
Йесо сын загъта: «Хибар ранмӕ иунӕгӕй ацӕут ӕмӕ иучысыл уӕ фӕллад суадзут». Уымӕн ӕмӕ ӕрцӕуӕг ӕмӕ фӕстӕмӕ здӕхӕг адӕм уыйас бирӕ уыдысты, ӕмӕ сӕ суанг хӕрынмӕ дӕр не 'вдӕлд.