Книга Исход Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Веселиил акъацийӕ сарӕзта фидыды Чырын; йӕ дӕргъ – дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг, йӕ бӕрзӕнд – ӕлмӕрин ӕмӕ ӕрдӕг.

Мидӕгӕй ӕмӕ йӕ ӕддейӕ стылдта сыгъдӕг сыгъзӕриндоны, йӕ кӕрӕттӕ йын сарӕзта сыгъзӕринӕй.

Чырыны бинаг цыппар къуымӕн джиппы рауагъта цыппар сыгъзӕрин цӕджы: дыууӕ цӕджы йӕ иу фарсӕн ӕмӕ дыууӕ цӕджы йӕ иннӕ фарсӕн.

Акъацийӕ сарӕзта хъилтӕ ӕмӕ сӕ стылдта сыгъзӕриндоны.

Чырыны дыууӕ фарсыл цӕгты атъыста хъилтӕ, уыдоныл ӕй куыд хастаиккой, афтӕ.

Сарӕзта йын сӕр сыгъдӕг сыгъзӕринӕй; йӕ дӕргъ – дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг.

Сарӕзта ма дыууӕ херувимы сыгъзӕринӕй; зӕрингуырд куыд аразы, афтӕ сӕ сарӕзта фидыды Чырыны сӕры дыууӕ кӕроныл.

Иу херувим – иуӕрдыгӕй, иннӕ херувим – иннӕрдыгӕй; дыууӕ кӕроныл дӕр херувимты сарӕзта ӕддӕмӕ къуыппӕй.

Херувимтӕ стӕхынӕввонг айтыгътой сӕ базыртӕ, ӕмӕ Чырыны ӕмбӕрзӕн фӕци сӕ базырты аууон. Херувимты цӕсгӕмттӕ здӕхт уыдысты сӕ кӕрӕдзимӕ ӕмӕ Чырыны сӕрмӕ.

Веселиил акъацийӕ сарӕзта фынг; йӕ дӕргъ – дыууӕ ӕлмӕрины, йӕ уӕрх – иу ӕлмӕрин ӕмӕ йӕ бӕрзӕнд – ӕлмӕрин ӕмӕ ӕрдӕг.

Стылдта йӕ сыгъдӕг сыгъзӕриндоны, йӕ кӕрӕттӕ йын ӕгасӕй дӕр сарӕзта сыгъзӕринӕй.

Ноджы ма йын йӕ алыварс сарӕзта армы фӕтӕнӕн фӕлгӕт, йӕ кӕрӕттӕ – сыгъзӕринӕй.

Фынгӕн джиппы рауагъта цыппар сыгъзӕрин цӕджы, ӕмӕ уыцы цӕгтӕ бафидар кодта цыппар къуымы – фынджы цыппар къахы сӕрмӕ.

Фынг хӕссынӕн фӕлгӕтыл уыди цӕгтӕ хъилтӕ сӕ атъыссынӕн.

Фынг хӕссынӕн акъацийӕ сарӕзта хъилтӕ, ӕмӕ сӕ стылдта сыгъзӕриндоны.

Уый фӕстӕ сыгъдӕг сыгъзӕринӕй сарӕзта фынджы ӕппӕт дзаумӕттӕ: тӕбӕгътӕ, чысыл къустӕ, дурынтӕ ӕмӕ кӕхцытӕ сӕнӕн.

Параллельные места

Исход 25:29

Сараз ын тӕбӕгътӕ, чысыл къустӕ, дурынтӕ ӕмӕ кӕхцытӕ сӕнӕн; сараз сӕ сыгъдӕг сыгъзӕринӕй.

Зӕрингуырд куыд аразы, афтӕ сыгъдӕг сыгъзӕринӕй сарӕзта рухсгӕнӕн; йӕ зӕнг, йӕ къалиутӕ, дидинхуыз фӕлындӕнтӕ, дидинӕджы къуырфытӕ ӕмӕ дидинсыфтӕ уыдысты ӕмхӕст.

Йӕ фӕрстыл уыди ӕхсӕз къалиуы: ӕртӕ къалиуы – йӕ иу фарсыл, ӕртӕ къалиуы – йӕ иннӕ фарсыл.

Иу къалиуыл уыди ӕртӕ фӕлындӕны – миндалы дидинджыты хуызӕттӕ, дидинӕджы къуырф ӕмӕ дидинсыфтӕ; миндалы дидинджыты хуызӕн ӕртӕ фӕлындӕны – иннӕ къалиуыл. Афтӕ фӕлыст уыдысты рухсгӕнӕнимӕ ӕмхӕст ӕхсӕз къалиуы дӕр.

Рухсгӕнӕны зӕнгыл уыди миндалы дидинджыты хуызӕн цыппар фӕлындӕны дидинӕджы къуырфытимӕ ӕмӕ дидинсыфтимӕ.

Рухсгӕнӕныл цы ӕхсӕз къалиуы уыди, уыдонӕй фыццаг дыууӕ къалиуы бынмӕ – дидинӕджы къуырф, дидинӕджы къуырф – иннӕ дыууӕ къалиуы бынмӕ, дидинӕджы хъӕбыс – аннӕ дыууӕ къалиуы бынмӕ. Афтӕ фӕлыст уыдысты рухсгӕнӕны ӕхсӕз къалиуы дӕр.

Дидинджытӕ ӕмӕ къалиутӕ рухсгӕнӕнимӕ уыдысты ӕмхӕст; рухсгӕнӕн дӕр арӕзт уыди сыгъдӕг сыгъзӕринӕй, ӕмхӕстӕй.

Веселиил ын сыгъдӕг сыгъзӕринӕй сарӕзта авд цырагъы, ӕртыскӕнтӕ ӕмӕ ӕртхутӕгдонтӕ.

Рухсгӕнӕныл ӕмӕ йеппӕт мигӕнӕнтыл Веселиил бахардз кодта сыгъдӕг сыгъзӕрины киккар.

Веселиил акъацийӕ сарӕзта цыппӕрдигъон будсудзӕн; йӕ дӕргъ – иу ӕлмӕрин, йӕ уӕрх – иу ӕлмӕрин, йӕ бӕрзӕнд – дыууӕ ӕлмӕрины; йӕ сыкъатӕ йемӕ уыдысты ӕмхӕст.

Ӕмӕ йӕ ӕнӕхъӕнӕй дӕр стылдта сыгъзӕриндоны: йӕ сӕр, йеппӕт къултӕ ӕмӕ йӕ сыкъатӕ; йӕ алыварс ын сарӕзта сыгъзӕрин фӕлгӕт.

Фӕлгӕты бын ын дыууӕ къуымы сарӕзта дыууӕ сыгъзӕрин цӕджы; уыдон уыдысты будсудзӕнӕн дыууӕрдыгӕй хъилтӕ сӕ атъыссынӕн ӕмӕ йӕ хӕссынӕн.

Хъилтӕ сарӕзта акъацийӕ ӕмӕ сӕ стылдта сыгъзӕриндоны.

Уый фӕстӕ сарӕзта сыгъдӕг зети сӕрдынӕн ӕмӕ хӕрздӕфгӕнӕнтӕ буд судзынӕн; сарӕзта сӕ, хӕрздӕфгӕнӕнты дӕсны куыд аразы, афтӕ.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода