Книга Исход Cтих 2 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Моисей хохыл дзӕвгар кӕй ныффӕстиат, адӕм уый куы федтой, уӕд ӕрӕмбырд сты Аароныл ӕмӕ йын загътой: «Сараз нын, нӕ разӕй чи ацӕудзӕн, ахӕм хуыцау. Уымӕн ӕмӕ мах, Мысыры зӕххӕй ракӕнӕг Моисейыл цы ӕрцыд, уый нӕ зонӕм».

Аарон сын загъта: «Уӕ устыты, уӕ фыртты ӕмӕ уӕ чызджыты хъустӕй рафтаут хъусцӕджытӕ, ӕмӕ сӕ ӕрхӕссут мӕнмӕ».

Параллельные места

Исход 35:22

Цыдысты лӕгтӕ сӕ устытимӕ; кӕй зӕрдӕ загъта, уыдон хастой хъуырӕгънӕгтӕ, хъусцӕджытӕ, къухдарӕнтӕ, фӕрдгуытӕ, алыхуызон сыгъзӕрин дзаумӕттӕ; Дунедарӕгӕн лӕвар ӕрхӕссын кӕйдӕриддӕр фӕндыд, уыдон хастой сыгъзӕрин дзаумӕттӕ.

Ӕппӕт адӕм сӕ хъустӕй рафтыдтой сӕ сыгъзӕрин хъусцӕджытӕ, ӕмӕ сӕ ӕрхастой Ааронмӕ.

Аарон райста уыцы сыгъзӕрин, сарӕзта дзы джиппыуагъд уӕныг, ӕмӕ йӕ саив кодта сартӕй. Адӕм загътой: «Мысыры зӕххӕй дӕ чи ракодта, мӕнӕ дӕ уыцы хуыцау, Израил!»

Аарон уый куы федта, уӕд уӕныджы раз сӕвӕрдта нывондхӕссӕн, ӕмӕ расидти: «Райсом Дунедарӕджы бӕрӕгбон у».

Дыккаг бон адӕм сыстадысты раджы, ӕрхастой иууылсудзинаг ӕмӕ фарны нывондтӕ; уый фӕстӕ бавнӕлдтой хӕрын ӕмӕ нуазынмӕ, стӕй сыстадысты ӕмӕ сарӕзтой хъазт.

Хуыцау загъта Моисейӕн: «Ӕвӕстиатӕй ныххиз дӕлӕмӕ. Мысыры зӕххӕй кӕй ракодтай, уыцы адӕм фехӕлдысты.

Ӕз сын цы фӕндагыл цӕуын бафӕдзӕхстон, уымӕй адзӕгъӕл сты уайтӕккӕ: сӕхицӕн сарӕзтой джиппыуагъд уӕныг, бакуывтой йӕм, ӕрхастой йын нывондтӕ ӕмӕ загътой: „Мысыры зӕххӕй дӕ чи ракодта, мӕнӕ дӕ уыцы хуыцау, Израил!“»

Хуыцау Моисейӕн загъта: «Куыд кӕсын, афтӕмӕй ацы адӕм бынтон хивӕнд сты;

Уӕдӕ Мӕ ныууадз, цӕмӕй сӕм Мӕ маст рафыца, фесафон сӕ ӕмӕ дӕуӕй рауадзон ног стыр адӕм».

Фӕлӕ Моисей байдыдта хатын Дунедарӕгмӕ, йӕ Хуыцаумӕ: «Дунедарӕг, Де стыр хъаруйӕ ӕмӕ Дӕ хъомысджын цонгӕй Мысыры зӕххӕй цы адӕмы ракодтай, уыдонмӕ Дӕ маст цӕмӕн рафыхт?

Мысырӕгтӕ цӕмӕн хъуамӕ дзурой: „Мӕлынмӕ сӕ акодта Хуыцау, хӕхты сӕ куыд фӕцӕгъда, ӕмӕ зӕххыл сӕ кой дӕр куыд нал уа, афтӕ“. Де стыр маст бауром, батӕригъӕд кӕн Дӕ адӕмӕн!

Ӕрымыс Дӕ цагъартӕ Авраамы, Исаакы ӕмӕ Израилы. Ды расомы кодтай Дӕхицӕй, ӕмӕ сын загътай: „Ратдзынӕн уын ӕрвон стъалытау ӕнӕнымӕц байзӕддӕгтӕ, ӕмӕ цы зӕххӕй загътон, уый сын мыггагмӕйы исбонӕн ратдзынӕн“».

Хуыцау аивта Йӕ фӕндон, ӕмӕ Йӕ адӕммӕ цы бӕллӕхӕй бартхъирӕн кодта, уый сыл нал ӕруагъта.

Моисей фӕзылд ӕмӕ ӕрхызти хохӕй; йӕ къухы уыдысты, фидыды ныхӕстӕ дыууӕрдыгӕй цы дыууӕ къӕйдурыл ныффыстӕуыд, уыдон; фыст сыл уыдис иуӕрдыгӕй дӕр ӕмӕ иннӕрдыгӕй дӕр.

Къӕйдуртӕ Хуыцауӕй уыдысты, ӕмӕ сӕ фыстытӕ дӕр Хуыцауӕй лӕвӕрд уыдысты.

Нуны фырт Йесо фехъуыста адӕмы хъӕлӕба, ӕмӕ Моисейӕн загъта: «Асадӕнӕй хӕсты уынӕр хъуысы».

Фӕлӕ йын Моисей дзуапп радта: «Уый уӕлахизгӕнджыты хъӕр дӕр нӕу ӕмӕ удисӕг адӕмы хъӕрзын дӕр нӕу; мӕнмӕ хъӕлдзӕг зарӕг хъуысы».

Моисей асадӕнмӕ куы ӕрбаввахс, джиппыуагъд уӕныг, стӕй адӕмы кафгӕ куы федта, уӕд къӕйдуртӕ фырмӕстӕй зӕххыл ныццавта хохрӕбын ӕмӕ ныппырх сты.

Моисей райста, кӕй сарӕзтой, уыцы уӕныг, басыгъта йӕ арты, ӕрыссадта йӕ, ныккалдта йӕ доны ӕмӕ йӕ баназын кодта израилаг адӕмӕн.

Моисей Ааронӕн загъта: «Ацы адӕм дын ӕвзӕрӕй цы сарӕзтой, ӕмӕ сӕ ахӕм ӕвирхъау тӕригъӕды бафтауай?»

Аарон дзуапп радта: «Ме 'лдары маст ма рафыцӕд; зоныс ӕй: ацы адӕм ӕвзӕр митӕм ӕмхиц сты.

Загътой мын: „Сараз нын, нӕ разӕй чи ацӕудзӕн, ахӕм хуыцау. Уымӕн ӕмӕ, мах Мысыры зӕххӕй ракӕнӕг Моисейыл цы ӕрцыд, уый нӕ зонӕм“.

Уӕд сын ӕз загътон: „Сыгъзӕрин фӕлындӕнӕй уӕ кӕмӕ цы ис, уый йӕ рафтауӕд“. Сыгъзӕрин радтой мӕнмӕ, ӕз ӕй баппӕрстон арты, ӕмӕ дзы рауад ацы уӕныг».

Моисей федта: адӕм фехӕлдысты, Аарон сын сӕ рохыл не 'рхӕцыд, ӕмӕ сӕ се знӕгты раз ӕртардта худинагмӕ.

Моисей ӕрлӕууыд асадӕны дуары цур ӕмӕ загъта: «Дунедарӕджы чи у, уыдон рацӕуӕнт мӕнмӕ!» Ӕмӕ йӕм ӕрӕмбырд сты Левийы байзӕддӕгтӕ иууылдӕр.

Моисей сын загъта: «Афтӕ зӕгъы Дунедарӕг, Израилы Хуыцау: „Алчидӕр йӕ цирхъ ӕрцауындзӕд йӕ фарсыл, ацӕут асадӕны иу дуарӕй иннӕ дуармӕ ӕмӕ фӕстӕмӕ, ӕмӕ уӕ алчидӕр амарӕд йе 'фсымӕры, йӕ хӕлары, хионы“».

Левийы байзӕддаг бакодтой, Моисей сын куыд бафӕдзӕхста, афтӕ; ӕмӕ уыцы бон адӕмӕй фӕцагътой ӕртӕ мины бӕрц.

Уӕд Моисей загъта: «Алчидӕр уӕ йӕ фырты, йе 'фсымӕры ныхмӕ рацӕуынӕй йӕхицӕй скӕнӕд Хуыцауӕн кусӕг, ӕмӕ уыл абон бафтаудзӕн Йӕ арфӕтӕ».

Дыккаг бон Моисей адӕмӕн загъта: «Сымах бафтыдыстут стыр тӕригъӕды; уӕдӕ ӕз ссӕуон Хуыцаумӕ, кӕд мын сразы уаид уӕ тӕригъӕд уын ныббарыныл».

Моисей ӕрбаздӕхти Хуыцаумӕ, ӕмӕ Йын загъта: «О, ацы адӕм бӕгуыдӕр стыр тӕригъӕды бафтыдысты – сӕхицӕн сарӕзтой сыгъзӕрин хуыцау!

Бӕргӕ сын куы ныббарис сӕ тӕригъӕд! Кӕд нӕ, уӕд мӕ ном дӕр сис, кӕм ӕй ныффыстай, Дӕ уыцы чиныгӕй».

Хуыцау загъта Моисейӕн: «Йӕ тӕригъӕдӕй Мӕ хъыджы чи бацыд, уыдоны нӕмттӕ сисдзынӕн Мӕ чиныгӕй.

Ныр та ацу, ӕмӕ уыцы адӕмы акӕн, кӕдӕм дын загътон, уырдӕм. Мӕ зӕд ацӕудзӕни дӕ разӕй. Ӕфхӕрыны рӕстӕг куы ралӕууа, уӕд сӕ бафхӕрдзынӕн сӕ тӕригъӕды тыххӕй».

Афтӕ Дунедарӕг бафхӕрдта адӕмы, Аарон сын сӕ домӕнмӕ гӕсгӕ цы сыгъзӕрин уӕныг сарӕзта, уый тыххӕй.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода