Куыстытӕ цы дӕсны адӕймӕгтӕ кодтой, уыдон Цатырӕн сарӕзтой дӕс ӕмбӕрзӕны уӕздан виссонӕй ӕмӕ ӕрвхуыз, сырх ӕмӕ сӕнтсырх ӕндӕхтӕй; ӕмбӕрзӕнтыл бауафтой херувимтӕ.
Веселиил акъацийӕ сарӕзта фидыды Чырын; йӕ дӕргъ – дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг, йӕ бӕрзӕнд – ӕлмӕрин ӕмӕ ӕрдӕг.
Сарӕзта йын сӕр сыгъдӕг сыгъзӕринӕй; йӕ дӕргъ – дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг.