Ӕз уӕ Хуыцау дӕн, ӕмӕ уын ӕндӕр хуыцӕуттӕ ма уӕд.
Моисей хохыл дзӕвгар кӕй ныффӕстиат, адӕм уый куы федтой, уӕд ӕрӕмбырд сты Аароныл ӕмӕ йын загътой: «Сараз нын, нӕ разӕй чи ацӕудзӕн, ахӕм хуыцау. Уымӕн ӕмӕ мах, Мысыры зӕххӕй ракӕнӕг Моисейыл цы ӕрцыд, уый нӕ зонӕм».
Аарон сын загъта: «Уӕ устыты, уӕ фыртты ӕмӕ уӕ чызджыты хъустӕй рафтаут хъусцӕджытӕ, ӕмӕ сӕ ӕрхӕссут мӕнмӕ».
Аарон райста уыцы сыгъзӕрин, сарӕзта дзы джиппыуагъд уӕныг, ӕмӕ йӕ саив кодта сартӕй. Адӕм загътой: «Мысыры зӕххӕй дӕ чи ракодта, мӕнӕ дӕ уыцы хуыцау, Израил!»