Книга Исход Cтих 5 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Уый фӕстӕ израилаг адӕм араст сты Елимӕй, ӕмӕ Мысыры зӕххӕй рацӕуыны фӕстӕ дыккаг мӕйы фынддӕсӕм бон ӕрбахӕццӕ сты Елим ӕмӕ Синайы ӕхсӕн Сины ӕдзӕрӕг быдырмӕ.

Ӕппӕт израилаг адӕм ӕдзӕрӕг быдыры хъуырхъуыр байдыдтой Моисей ӕмӕ Аароныл.

Израилаг адӕм сын загътой: «Дзидзайӕ дзаг цуайнӕгты уӕлхъус кӕм бадтыстӕм, дзул нӕ фаг кӕм хордтам, фӕлтау уыцы мысыраг зӕххыл Хуыцауы къухӕй неппӕт дӕр куы амардаиккам! Сымах нӕ ацы ӕдзӕрӕг быдырмӕ стонгӕй мӕлынмӕ рахуыдтат».

Хуыцау Моисейӕн загъта: «Ӕз бакӕндзынӕн афтӕ, ӕмӕ уын арвӕй ӕруардзӕни хойраг; адӕмиу рацӕуӕнт ӕмӕ ӕрвылбон ӕмбырд кӕнӕнт бонваг. Ӕз сӕ бафӕлвардзынӕн, Ме 'гъдаумӕ гӕсгӕ цӕрдзысты ӕви нӕ.

Ӕхсӕзӕм бон дзы цас ӕрбахӕссой, уый нывӕрӕнт, ӕмӕ сын уыдзӕн дыууӕ бонваг».

Параллельные места

Исход 16:22

Ӕхсӕзӕм бон ӕмбырд кодтой дыууӕ хатты фылдӕр – фӕйнӕ дыууӕ гомеры алы адӕймагӕн дӕр. Ӕрцыдысты адӕмы хистӕртӕ ӕмӕ хабар радзырдтой Моисейӕн.

Моисей ӕмӕ Аарон ӕппӕт израилаг адӕмӕн загътой: «Изӕры базондзыстут, мысыраг зӕххӕй уӕ Хуыцау кӕй рахуыдта, уый.

Райсом та фендзыстут Хуыцауы кад, уымӕн ӕмӕ фехъуыста, кӕй йыл хъуырхъуыр кодтат, уый. Мах та чи стӕм, ӕмӕ ныл хъуырхъуыр кӕнат?»

Моисей ма сын ноджыдӕр загъта: «Кӕй Йыл хъуырхъуыр кодтат, уый Хуыцау фехъуыста, ӕмӕ уын изӕры ратдзӕни дзидза, райсом та уӕ бафсаддзӕни кӕрдзынӕй. Ӕмӕ Йӕ уӕд базондзыстут. Мах та чи стӕм? Махыл куы фӕхъуырхъуыр кӕнут, уӕд Хуыцауыл вӕййы уӕ хъуырхъуыр».

Моисей Ааронӕн загъта: «Ӕппӕт израилаг адӕмӕн зӕгъ: „Ӕрлӕуут Хуыцауы раз, уымӕн ӕмӕ уын фехъуыста уӕ хъуырхъуыр“».

Аарон ӕппӕт израилаг адӕмӕн куы дзырдта, уӕд кӕсынц ӕмӕ ӕдзӕрӕг быдыры федтой: Хуыцауы кады рухс фӕзынди ӕврагъы.

Хуыцау загъта Моисейӕн:

«Ӕз фехъуыстон израилаг адӕмы хъуырхъуыр. Зӕгъ сын: „Изӕрдалынгты хӕрдзыстут дзидза, райсом та бафсӕддзыстут кӕрдзынӕй; ӕмӕ базондзыстут, Ӕз Дунедарӕг, уӕ Хуыцау, кӕй дӕн, уый“».

Изӕры ӕртахтысты уӕрццытӕ, ӕмӕ израилӕгты асадӕн сӕ быны фӕци; райсомӕй та сӕ асадӕны алыварс зӕххыл ӕрбадт ӕртӕх.

Ӕртӕх хурмӕ куы сыстади, уӕд ӕдзӕрӕг быдыры, зӕххыл, халасы мурты ӕрбадӕгау, цыдӕр баззад.

Израилаг адӕм ӕй куы федтой, уӕд кӕрӕдзи фарстой: «Уый цы у?» Уымӕн ӕмӕ цы у, уый нӕ зыдтой. Уӕд сын Моисей загъта: «Хуыцауӕй уын хӕрынӕн лӕвӕрд хойраг у.

Хуыцау афтӕ бафӕдзӕхста: „Алы бон дӕр дзы ӕмбырд кӕнут, чи цас бахӕрдзӕн, уыйбӕрц. Алчидӕр уӕ ӕмбырд кӕнӕд, йӕ цатыры алы адӕймагмӕ дӕр дзы фӕйнӕ гомеры куыд ӕрхауа“».

Израилӕгтӕ бакодтой, куыд сын загъдӕуыд, афтӕ – чи фылдӕр ӕрӕмбырд кодта, чи та – къаддӕр.

Барстой йӕ гомерӕй; бирӕ чи ӕрӕмбырд кодта, уымӕ дзы уӕлдай нӕ баззади, гыццыл чи ӕрӕмбырд кодта, уый та хъуаг нӕ баййӕфта: алчидӕр ӕрӕмбырд кодта, йӕхӕдӕг ӕмӕ йӕ бинонтӕ цас бахӕрдзысты, уыйбӕрц.

Моисей сын загъта: «Райсоммӕ дзы мачи ныууадзӕд».

Фӕлӕ Моисеймӕ сеппӕт нӕ байхъуыстой – чидӕртӕ дзы ныууагътой райсоммӕ, ӕмӕ сын скӕлм ӕмӕ сысмаг. Ӕмӕ сӕм Моисей смӕсты.

Ӕрвылрайсом дзы ӕмбырд кодтой, чи цас бахӕрдзӕн, уыйбӕрц. Хуриу куы ӕрӕндӕвта, уӕд таиу батад.

Ӕхсӕзӕм бон ӕмбырд кодтой дыууӕ хатты фылдӕр – фӕйнӕ дыууӕ гомеры алы адӕймагӕн дӕр. Ӕрцыдысты адӕмы хистӕртӕ ӕмӕ хабар радзырдтой Моисейӕн.

Моисей сын дзуапп радта: «Уый Хуыцауӕн фӕндон у. Уымӕн ӕмӕ райсом ӕнцойбон у – Хуыцауы сыгъдӕг сабат. Абон скӕнут кӕрдзынтӕ ӕмӕ сфыцут уӕ фыцинаг. Цы уын дзы баззайа, уый та ныууадзут райсоммӕ».

Цы ма сӕм дзы баззад, уый ныууагътой бонмӕ, Моисей куыд загъта, афтӕ. Не сӕвзӕр ӕмӕ не скӕлм.

Моисей загъта: «Бахӕрут ӕй абон; быдыры та йӕ не ссардзыстут, уымӕн ӕмӕ абон Хуыцауы сабат у.

Ӕмбырд ӕй кӕндзыстут ӕхсӕз боны, ӕвдӕм бон та йӕ, сабаты, не ссардзыстут».

Фӕлӕ израилӕгтӕй чидӕртӕ ӕвдӕм бон рацыдысты ӕмбырд кӕнынмӕ, ӕмӕ дзы не ссардтой.

Моисейӕн Хуыцау загъта: «Кӕдмӕ не 'ххӕст кӕндзыстут Мӕ фӕдзӕхстытӕ ӕмӕ Мӕ амындтӕ?

Байхъусутма: Хуыцау уын радта сабат, уымӕ гӕсгӕ ӕхсӕзӕм бон хойраг дӕтты дыууӕ бонваг. Ӕмӕ ӕвдӕм бон мачи макӕдӕм рацӕуӕд».

Ӕмӕ ӕвдӕм бон адӕм уагътой сӕ фӕллад.

Израилаг адӕм уыцы хойраг схуыдтой маннӕ. Уыди, кориандры мыггагау, урс нӕмгуытӕй, йӕ ад та – мыдамӕсты ад.

Моисей загъта: «Дунедарӕг афтӕ бафӕдзӕхста: „Маннӕйӕ байдзаг кӕнут гомер фидӕны фӕлтӕртӕн ӕй нывӕрынӕн – Ӕз уӕ Мысыры зӕххӕй куы ракодтон, уӕд уӕ ӕдзӕрӕг быдыры цы хойрагӕй хастон, уый куыд феной, афтӕ“».

Уӕд Моисей Ааронӕн загъта: «Райс иу дурын, ныккӕн дзы маннӕйы гомер, ӕмӕ йӕ сӕвӕр Дунедарӕджы раз, нӕ фидӕны фӕлтӕртӕн ӕвдисӕйнагӕн».

Ӕмӕ маннӕйы дурын Аарон сӕвӕрдта фидыды къӕйдурты раз, Моисейӕн Хуыцау куыд бафӕдзӕхста, афтӕ.

Израилаг адӕм маннӕ хордтой дыууиссӕдз азы, адӕм кӕм цӕрынц, цалынмӕ уыцы зӕхмӕ бахӕццӕ сты, уӕдмӕ. Маннӕ хордтой, цалынмӕ Ханааны зӕххы арӕнтӕм нӕ бахӕццӕ сты, уӕдмӕ.

Гомер та у ефайы дӕсӕймаг хай.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода