Уый фӕстӕ Моисей ӕмӕ Аарон бацыдысты фараонмӕ ӕмӕ йын загътой: «Афтӕ зӕгъы Дунедарӕг, израилӕгты Хуыцау: „Ауадз Мӕ адӕмы ӕдзӕрӕг ранмӕ, Мӕ номыл бӕрӕгбон скӕнынмӕ“».
Нӕ дзугтӕ ацӕудзысты немӕ, иу сӕфтӕг дӕр нӕ баззайдзӕн ам. Уымӕн ӕмӕ уыдонӕй ӕрхӕсдзыстӕм нывондтӕ Дунедарӕгӕн, нӕ Хуыцауӕн. Бынатмӕ куы бахӕццӕ уӕм, ӕрмӕст уӕд сбӕлвырд уыдзӕни, Дунедарӕгӕн нывонд ӕрхӕссынӕн мах цы бахъӕудзӕн, уый».
Израилаг адӕм фистӕгӕй, ӕхсӕзсӕдӕ мин нӕлгоймаджы бӕрц, сывӕллӕтты нӕ нымайгӕйӕ, Раамсесӕй араст сты Сокхофмӕ.
Семӕ ма рацыд бирӕ адӕм алыхуызон адӕмыхӕттытӕй, стӕй раскъӕрдтой фысвосы ӕмӕ стурты тынг бирӕ рӕгъӕуттӕ.