Книга Исход Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау загъта Моисейӕн: «Бацу фараонмӕ; Ӕз ыл бафтыдтон хивӕнд йӕхиуыл дӕр ӕмӕ йӕ фӕсдзӕуинтыл дӕр, цӕмӕй сыл равдисон Мӕ диссӕгтӕ.

Ӕмӕ сымах дӕр уӕ фырттӕн, уӕ фыртты фырттӕн дзурат, Ӕз мысырӕгты куыд бафхӕрдтон, цы диссӕгтӕ сын фенын кодтон, уый тыххӕй; ӕмӕ зондзыстут, Ӕз Дунедарӕг кӕй дӕн, уый».

Моисей ӕмӕ Аарон бацыдысты фараонмӕ ӕмӕ йын загътой: «Афтӕ зӕгъы Дунедарӕг, дзуттӕгты Хуыцау: „Бирӕ ма нӕ кӕсдзынӕ Мӕ коммӕ? Ауадз Мӕ адӕмы нывонд Мын ӕрхӕссынмӕ.

Куы нӕ сӕ ауадзай, уӕд та дын тӕккӕ райсом деппӕт зӕххыл бафтаудзынӕн мӕтыхты.

Уыдон афтӕ бирӕ уыдзысты, ӕмӕ зӕхх нал зындзӕн; бахӕрдзысты, ихӕй ма цы аирвӕзт, уый; бахӕрдзысты алы бӕлас дӕр уӕ быдырты.

Мӕтыхтӕй байдзаг уыдзысты дӕ хӕдзӕрттӕ, дӕ фӕсдзӕуинты хӕдзӕрттӕ ӕмӕ ӕппӕт мысырӕгты хӕдзӕрттӕ, дӕ фыдӕлтӕ, дӕ фыдӕлты фыдӕлтӕ зӕххыл куы фӕзындысты, уӕдӕй нырмӕ ахӕм диссаг нӕ федтой“». Уый зӕгъыны фӕстӕ Моисей фӕзылд ӕмӕ рацыди фараонӕй.

Фараонӕн йӕ фӕсдзӕуинтӕ загътой: «Ацы адӕмы тыххӕй кӕдмӕ удхарӕй мӕлдзыстӕм? Ауадз сӕ, уадз Дунедарӕгӕн, сӕ Хуыцауӕн, ӕрхӕссой нывонд. Мысыр кӕй сӕфы, уый нӕма уыныс, ӕви?»

Уӕд Моисей ӕмӕ Аароны раздӕхтой фараонмӕ, ӕмӕ сын фараон загъта: «Ацӕут Дунедарӕгӕн, уӕ Хуыцауӕн, нывонд ӕрхӕссынмӕ. Чи ӕмӕ чи ацӕудзӕн?»

Моисей дзуапп радта: «Ацӕудзыстӕм нӕ ӕнахъом лӕппутимӕ ӕмӕ нӕ зӕрӕдтимӕ, нӕ фырттимӕ ӕмӕ нӕ чызджытимӕ; ацӕудзыстӕм нӕ фысвос ӕмӕ стуртимӕ. Нӕ Дунедарӕгӕн бӕрӕгбон хъуамӕ саразӕм».

Фараон сын загъта: «Уӕдӕ уӕ ӕз уӕ сывӕллӕттимӕ куыд ауадздзынӕн, афтӕ Дунедарӕг дӕр уӕд уемӕ. Фыдбылыз саразын кӕй ӕрӕфтыд уӕ зӕрды, уый не 'мбарут?

Нӕ, ацӕуӕнт ӕрмӕст уӕ нӕлгоймӕгтӕ ӕмӕ нывонд ӕрхӕссӕнт Дунедарӕгӕн; уӕхӕдӕгиу мӕм куы ӕрхатыдыстут уый тыххӕй». Уыйадыл сӕ ратардтой фараонӕй.

Уӕд Хуыцау загъта Моисейӕн: «Дӕ къух радар мысыраг зӕхмӕ, ӕмӕ мӕтыхтӕ ӕрбабырсдзысты мысыраг бӕстӕмӕ, бахӕрдзысты ӕппӕт зайӕгойтӕ, ихы фӕстӕ ма цы аирвӕзт, уый».

Моисей йӕ лӕдзӕг радардта мысыраг зӕхмӕ, ӕмӕ Хуыцау Мысырмӕ рауагъта, уыцы бон ӕмӕ ӕхсӕвы дӕргъы чи нӕ банцад, ахӕм скӕсӕйнаг дымгӕ. Куы ӕрбабон, уӕд скӕсӕйнаг дымгӕ йемӕ ӕрхаста мӕтыхты.

Мӕтыхтӕ сӕхи ныццавтой ӕппӕт мысыраг зӕххыл; афтӕ бирӕ уыдысты, ӕмӕ зӕхх ӕппындӕр нал зынди. Уӕды онг сӕм никуы уыди уыйбӕрц мӕтыхтӕ, ӕмӕ сӕм уый фӕстӕ дӕр нӕ уыдзӕни.

Зӕхх фӕци мӕтыхты бын ӕмӕ сау адардта – мӕтыхтӕ бахордтой, ихы фӕстӕ ма зӕххыл цы баззад, ӕппӕт уыцы кӕрдӕг ӕмӕ бӕлӕсты дыргътӕ. Ӕппӕт мысыраг зӕххыл нӕдӕр цъӕх сыфтӕр баззади бӕлӕстыл, нӕдӕр быдираг кӕрдӕджы хал.

Фараон фӕдисӕй басидти Моисей ӕмӕ Ааронмӕ, ӕмӕ сын загъта: «Ӕз тӕригъӕд ракодтон уӕ Дунедарӕг, Хуыцауы раз ӕмӕ уӕ разы;

Параллельные места

Исход 9:27

Фараон арвыста Моисей ӕмӕ Ааронмӕ, басидти сӕм ӕмӕ сын загъта: «Ӕз ацы хатт тӕригъӕд ракодтон; Дунедарӕг раст у, ӕз ӕмӕ мӕ адӕм та азымджын стӕм.

Ацы хаттма мын ныббарут мӕ тӕригъӕд, бакувут Дунедарӕгмӕ, уӕ Хуыцаумӕ, ӕмӕ нӕ фервӕзын кӕна ацы бӕллӕхӕй».

Моисей рацыди фараонӕй ӕмӕ бакуывта Хуыцаумӕ.

Хуыцау иннӕрдыгӕй рауагъта тыхджын ныгуылӕйнаг дымгӕ; уыцы дымгӕ ахаста мӕтыхты ӕмӕ сӕ ныккалдта Сырх денджызы. Ӕппӕт Мысыры зӕххыл иу мӕтых дӕр нал баззад.

Фӕлӕ Хуыцау хивӕнд бафтыдта фараоныл, ӕмӕ та нӕ ауагъта израилаг адӕмы.

Уӕд Хуыцау загъта Моисейӕн: «Дӕ къух сдар арвмӕ, ӕмӕ мысыраг зӕххыл анхъӕвздзӕн, ӕрмӕст куырмӕджы цӕуӕн кӕм уа, ахӕм саудалынг».

Моисей йӕ къух сдардта арвмӕ, ӕмӕ ӕппӕт мысыраг зӕххыл ӕртӕ боны дӕргъы уыди саудалынг.

Адӕм кӕрӕдзи нал уыдтой, ӕмӕ ӕртӕ боны йӕ бынатӕй ничи фезмӕлыд; ӕппӕт израилӕгтӕ кӕм цардысты, уым та рухс уыди.

Фараон басидти Моисеймӕ ӕмӕ загъта: «Ацӕут уӕ Дунедарӕгӕн нывонд ӕрхӕссынмӕ; ӕрмӕст уӕ фысвос ӕмӕ стуртӕ баззайӕнт ам, уӕ сывӕллӕттӕ та ацӕуӕнт уемӕ».

Фӕлӕ Моисей загъта: «Ратт нын нӕ фос, ӕмӕ Дунедарӕгӕн, нӕ Хуыцауӕн, ӕрхӕсдзыстӕм иууылсудзинӕгтӕ ӕмӕ ӕндӕр нывондтӕ.

Нӕ дзугтӕ ацӕудзысты немӕ, иу сӕфтӕг дӕр нӕ баззайдзӕн ам. Уымӕн ӕмӕ уыдонӕй ӕрхӕсдзыстӕм нывондтӕ Дунедарӕгӕн, нӕ Хуыцауӕн. Бынатмӕ куы бахӕццӕ уӕм, ӕрмӕст уӕд сбӕлвырд уыдзӕни, Дунедарӕгӕн нывонд ӕрхӕссынӕн мах цы бахъӕудзӕн, уый».

Фӕлӕ та Дунедарӕг хивӕнд бафтыдта фараоныл, ӕмӕ йӕ сӕ ауадзын нӕ бафӕндыд.

Фараон Моисейӕн загъта: «Ахъуыдты у мӕ цурӕй! Дӕхи мӕм мауал равдис! Куыма дӕ фенон, уӕд мӕлӕт ссардзынӕ».

Моисей йын дзуапп радта: «Раст загътай: кӕрӕдзи никуал фендзыстӕм».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода