Книга Бытие Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Иаков ӕрцард, йӕ фыд хӕтӕнхуагӕй кӕддӕр кӕм царди, уым – Ханааны зӕххыл.

Мӕнӕ Иаковы бинонты хабар. Ӕвддӕсаздзыд Иосиф хызта фысвосы дзугтӕ йе 'фсымӕртимӕ – йӕ фыдыустытӕ Валлӕ ӕмӕ Зелфӕйы лӕппутимӕ. Ӕмӕ уыдоны тыххӕй сӕ фыдмӕ хаста ӕвзаг.

Израил та Иосифы йӕ иннӕ фырттӕй фылдӕр уарзта, уымӕн ӕмӕ йын йӕ зӕронды бонты райгуырд; ӕмӕ йын самал кодта даргъ ӕмӕ нывӕфтыд хӕдон.

Сӕ фыд Иосифы уыдонӕй фылдӕр кӕй уарзы, уый ӕфсымӕртӕ куы федтой, уӕд сын Иосиф уӕнгӕл фестад, ӕмӕ сӕ бон нал уыд йемӕ сабырӕй дзурын.

Иухатт Иосиф федта фын. Радзырдта йӕ йе 'фсымӕртӕн, ӕмӕ сын ноджы фӕуӕнгӕлдӕр.

Иосиф сын загъта: «Байхъусутма, цы фын федтон, уымӕ.

Быдыры бастам куыристӕ; ӕваст мӕ куырис рабадт ӕмӕ уырдыг слӕууыд, уӕ куыристӕ та ӕрлӕууыдысты йӕ алыварс ӕмӕ йын ныллӕг акуывтой».

Йе 'фсымӕртӕ йын загътой: «Ау, ды махӕн паддзах уыдзынӕ? Мах дӕ дӕлбар уыдзыстӕм?» Ӕмӕ сын ноджы фӕуӕнгӕлдӕр йӕ фыны ӕмӕ йӕ ныхӕсты тыххӕй.

Иосиф ма ноджыдӕр федта иу фын, ӕмӕ йӕ радзырдта йе 'фсымӕртӕн: «Байхъусут мӕм. Ноджыдӕр ма иу фын федтон: ацы хатт мын ныллӕг акуывтой хур, мӕй ӕмӕ иуӕндӕс стъалыйы».

Иосиф йӕ фын радзырдта йе 'фсымӕртӕн дӕр ӕмӕ йӕ фыдӕн дӕр. Йӕ фыд ын бауайдзӕф кодта: «Уый цавӕр фын федтай? Ӕз, дӕ мад ӕмӕ де 'фсымӕртӕ ӕцӕг ӕрцӕудзыстӕм ӕмӕ зӕххы онг дӕуӕн акувдзыстӕм, мыййаг?»

Ӕфсымӕртӕ хӕлӕг кодтой Иосифмӕ, фӕлӕ йӕ фыд уыцы хабар йӕ зӕрдыл бадардта.

Иосифы ӕфсымӕртӕ ацыдысты сӕ фыды дзугтӕ Сихеммӕ хӕстӕг хизынмӕ.

Израил Иосифӕн загъта: «Де 'фсымӕртӕ Сихемы хизынц дзугтӕ. Мӕ зӕрды дӕ уыдонмӕ арвитын ис». Иосиф ын дзуапп радта: «Ӕз цӕттӕ дӕн».

Йӕ фыд ын загъта: «Ауайма, де 'фсымӕртӕ ӕнӕниз сты, ӕви нӕ, дзугтӕ та – ӕнӕхъӕн, уый фен ӕмӕ мын бӕрӕг ӕрхӕсс». Афтӕ Иосифы йӕ фыд арвыста Хевроны дӕлвӕзӕй, ӕмӕ Иосиф араст Сихеммӕ.

Фӕлӕ Иосиф фӕдзӕгъӕл быдыры. Фембӕлд ыл иу адӕймаг ӕмӕ йӕ бафарста: «Цы агурыс?»

Иосиф ын дзуапп радта: «Ӕз ме 'фсымӕрты агурын. Курын дӕ, сӕ дзугтӕ кӕм хизынц, уый мын зӕгъ».

Уыцы адӕймаг ын загъта: «Ардыгӕй ацыдысты. Ӕз сын фехъуыстон сӕ ныхас: „Ацӕуӕм Дофанмӕ“». Иосиф ацыд йе 'фсымӕрты фӕдыл ӕмӕ сӕ ссардта Дофаны.

Уыдон ӕй суыдтой дардмӕ, ӕмӕ сӕм цалынмӕ нӕ бахӕццӕ, уӕдмӕ бадзырдтой йӕ амарыныл.

Параллельные места

От Матфея 27:1

Деяния 23:12

Куы сбон, уӕд алчертӕ ӕмӕ адӕмы хистӕртӕ сеппӕт дӕр бауынаффӕ кодтой Йесойы тыххӕй, цӕмӕй Йӕ раттой амарынмӕ. Куы сбон, уӕд иудейтӕй иуӕй-иутӕ сусӕгӕй баныхас кодтой ӕмӕ ард бахордтой, цалынмӕ Павелы амарой, уӕдмӕ нӕдӕр хӕрыны, нӕдӕр нуазыны тыххӕй.

Кӕрӕдзийӕн загътой: «Дӕлӕ ӕрбацӕуы уыцы фынуынӕг.

Ныр бавдӕлӕм, амарӕм ӕй ӕмӕ йӕ ныппарӕм хус уӕрмытӕй иуы. Ӕмӕ зӕгъдзыстӕм, хъӕддаг сырд ӕй бахордта, зӕгъгӕ. Уӕд фендзыстӕм, кӕддӕра йӕ фынтӕ цы расаиккой».

Уый фехъуыста Рувим, ӕмӕ йӕ бахызта йе 'фсымӕрты къухӕй. Загъта сын: «Ма йӕ амарӕм».

Рувим сын дарддӕр дзырдта: «Ма йӕ амарут. Фӕлтау ӕй, ам, ӕдзӕрӕг ран, уӕрмы ныппарут, ӕрмӕст ӕм уӕ къух ма батасӕд». Рувимы фӕндыд Иосифы йе 'фсымӕртӕй фервӕзын кӕнын ӕмӕ йӕ сӕ фыдмӕ арвитын.

Иосиф йе 'фсымӕртӕм куы бахӕццӕ, уӕд ын ӕррӕдывтой йӕ даргъ ӕмӕ нывӕфтыд хӕдон,

Йӕхи та йын ныппӕрстой уӕрмы. Уӕрм уыд афтид – дон дзы нӕ уыд.

Ӕфсымӕртӕ ӕрбадтысты хӕрыныл. Уӕдмӕ ауыдтой измаилӕгты Галаадӕй теуатыл ӕрбацӕйцӕугӕ. Се теуатыл Мысырмӕ ластой бирӕ хӕрздӕфгӕнӕнтӕ, балзам ӕмӕ миррӕ.

Иуда йе 'фсымӕртӕн загъта: «Не 'фсымӕры куы амарӕм ӕмӕ йын йӕ мард куы басусӕг кӕнӕм, уӕд нын уымӕй цы пайда ис?

Фӕлтау ӕй ауӕй кӕнӕм измаилӕгтӕн, ӕмӕ йыл нӕ къухӕй ницы ӕрцӕудзӕн; не 'фсымӕр у – нӕ тугне стӕг». Ӕфсымӕртӕ йӕм байхъуыстой.

Мадиамаг сӕудӕджертӕ сӕ рӕзты куы рацӕйцыдысты, уӕд ӕфсымӕртӕ Иосифы сластой уӕрмӕй, ӕмӕ йӕ измаилӕгтӕн ауӕй кодтой ссӕдз ӕвзист сиклыл. Уыдон та йӕ семӕ акодтой Мысырмӕ.

Рувим ӕрбаздӕхт уӕрммӕ. Кӕсы ӕмӕ Иосиф уым нал ис; уӕд ӕррӕдывта йӕ дарӕс.

Ӕрбаздӕхт йе 'фсымӕртӕм ӕмӕ сын загъта: «Лӕппу уым куы нал ис! Ныр мӕхи цы фӕкӕнон?»

Уӕд ӕфсымӕртӕ аргӕвстой сӕныкк, райстой Иосифы хӕдон ӕмӕ йӕ самӕстой тугӕй.

Уый фӕстӕ уыцы нывӕфтыд хӕдон равдыстой сӕ фыдмӕ ӕмӕ йын загътой: «Мӕнӕ цы ссардтам! Ӕркӕсма йӕм, дӕ фырты хӕдон нӕу, мыййаг?»

Иаков ӕй базыдта ӕмӕ загъта: «Уый мӕ фырты хӕдон у! Хъӕддаг сырд ӕй бахордта! Иосифы сырд кӕй бахордта, уый гуырысхойаг нӕу!»

Иаков йӕ уӕлӕ ӕррӕдывта йӕ дарӕс, йӕ астӕуыл ӕрбабаста хъисын, ӕмӕ дзӕвгар рӕстӕг куыдта йӕ фыртыл.

Йӕ фырттӕ ӕмӕ йӕм йӕ чызджытӕ ӕгасӕй дӕр ӕрцыдысты ныфсытӕ ӕвӕрынмӕ, фӕлӕ йӕм ницы хъардта. Иаков дзырдта: «Нӕ, ӕз хъыгзӕрдӕйӕ ныххиздзынӕн ингӕнмӕ, мӕ фыртмӕ». Афтӕ Иаков куыдта йӕ фыртыл.

Мадиамӕгтӕ та уӕдмӕ Иосифы Мысыры ауӕй кодтой фараоны фӕсдзӕуинтӕй иуӕн – фараоны хъахъӕнджыты хистӕр Потифарӕн.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода