Уыцы рӕстӕг Авимелех йе 'фсады хицау Фихолимӕ загъта Авраамӕн: «Ды цыдӕриддӕр ма аразай – Хуыцау дын ӕххуысгӕнӕг у;
Хуыцау загъта Иаковӕн: «Аздӕх дӕ фыдӕлты зӕхмӕ ӕмӕ хиуӕттӕм. Ӕз демӕ уыдзынӕн».
Мӕ фыды Хуыцау, Авраамы Хуыцау, ӕмӕ Исаак Кӕмӕй тарст, уыцы Хуыцау мемӕ куы нӕ уыдаид, уӕд мӕ ныртӕккӕ арвыстаис афтидармӕй. Фӕлӕ Хуыцау федта мӕ зынтӕ, мӕ къухты фыдӕбон, ӕмӕ дысон рахӕцыди мӕ сӕрыл».
Уый фӕстӕ Израил арфӕ бафтыдта Иосифыл: «Мӕ фыдӕлтӕ Авраам ӕмӕ Исаак коммӕгӕс Кӕмӕн уыдысты, мӕ цӕргӕбонты мӕнӕн абонмӕ Фыййау Чи уыди, уыцы Хуыцау,