Хуыцау загъта: «Мӕнӕ уын Ӕз радтон, мыггаг згъалӕг зайӕгойтӕ ӕппӕт зӕххыл ӕмӕ, йӕ мыггаг йӕ дыргъы мидӕг кӕмӕн ис, уыцы алыхуызон бӕлӕстӕ: уыдон сымахӕн уыдзысты хӕрынӕн.
Раздӕр уын хӕрынӕн радтон ӕппӕт зайӕгхал, ныр та уын дӕттын ӕппӕт цӕрӕгойты дӕр.
Иу бон иннӕмӕй ахсджиагдӕрыл чи нымайы, уый йӕ Хицауы кадӕн нымайы. [Иу бон иннӕмӕй ахсджиагдӕрыл чи нӕ нымайы, уый йӕ Хицауы кадӕн нӕ нымайы.] Чи хӕры, уый Хицауы кадӕн хӕры, уымӕн ӕмӕ арфӕ кӕны Хуыцауӕн. Чи нӕ хӕры, уый Хицауы кадӕн нӕ хӕры, ӕмӕ арфӕ кӕны Хуыцауӕн.
Ӕниу, ус куы ракурай, уӕд уымӕй тӕригъӕды не 'фтыс; ӕмӕ чызг мой куы скӕна, уӕд уый дӕр уымӕй тӕригъӕды не 'фты. Фӕлӕ ахӕмтӕ сӕ царды ӕвзардзысты зынтӕ, ӕмӕ уыл мӕ зӕрдӕ риссы.
Алчидӕр къайадӕн кӕнӕд аргъ ӕмӕ уӕ хуыссӕн уӕд сыгъдӕг. Хӕлд адӕмӕн ӕмӕ хӕзгултӕн Хуыцау тӕрхон кӕндзӕн.