«Чи Мӕм ӕрцӕуа, уый йӕ фыды, йӕ мады, йӕ усы, йӕ зӕнӕджы, йе 'фсымӕрты, йӕ хоты, уӕлдайдӕр та йӕ цард, Мӕнӕй фылдӕр куы уарза, уӕд Мын ахуыргӕнинагӕн нӕ бӕззы.
Уыимӕ зонут, махӕн ныридӕгӕн кӕй ралӕууыд нӕ фынӕйӕ райхъалы афон. Уымӕн ӕмӕ куы баууӕндыдыстӕм, уӕдӕй нӕм ныр ӕввахсдӕр у ирвӕзындзинад.
Ӕхсӕв фӕивгъуыйы, бон та ӕрбахӕстӕг ис. Уӕдӕ ныууадзӕм талынджы хъуыддӕгтӕ, ӕмӕ нӕхи сифтонг кӕнӕм рухсы хотыхтӕй.
Ацы дунейы хорзӕхтӕй чи пайда кӕны, уыдон хъуамӕ уой афтӕ, цыма дзы нӕ пайда кӕнынц. Уымӕн ӕмӕ мах цы дуне уынӕм, уымӕн йӕ кӕрон ӕрцӕуы.
Рӕхджы алцӕмӕн дӕр уыдзӕни кӕрон. Уӕдӕ ут хӕдзонд, кӕддӕриддӕр цӕттӕ ӕмӕ кувут.
Мӕ уарзон хӕлӕрттӕ, иу хъуыддаг сымахӕн хъуамӕ сусӕг ма уа: Хицауӕн иу бон мин азы хуызӕн у, мин азы та – иу боны хуызӕн.