Уӕдӕ йӕхи чи ӕрныллӕг кӕна ӕмӕ ацы сабийы хуызӕн чи суа, уый уӕлдӕр уыдзӕн Уӕларвон Паддзахады.
Йесо уый куы федта, уӕд смӕсты ӕмӕ сын загъта: «Ӕрбауадзут Мӕм сывӕллӕтты, ма сӕ хъыгдарут, уымӕн ӕмӕ Хуыцауы Паддзахад уыдоны хуызӕтты у.
Фарны уацӕн коммӕгӕс кӕй стут, уый алкӕмӕн дӕр зындгонд у. Уымӕ гӕсгӕ ӕз цин кӕнын сымах тыххӕй. Фӕнды мӕ, цӕмӕй хорз аразынмӕ уат зондджын, ӕвзӕрмӕ та ма арӕхсат.
Ӕмӕ мауал уӕм, алы ахуырӕдтӕ уылӕнтау кӕмӕй хъазынц ӕмӕ дымгӕйау кӕй хӕссынц, ахӕм сабитӕ; сайын ма бакомӕм афӕливынмӕ дӕсны хинӕйдзӕгтӕн.
Уӕдӕ махӕй алцӕмӕй дӕр ӕххӕст чи у, уымӕ ахӕм хъуыды хъуамӕ уа. Кӕд истӕй фӕдыл ӕндӕр хъуыдыйыл хӕст стут, уӕд уын уый дӕр Хуыцау раргом кӕндзӕн.
Цас рӕстӕг рацыд, уымӕ гӕсгӕ ныр ахуыргӕнджытӕ хъуамӕ уаиккат, сымахӕн та хъӕуы, цӕмӕй уын исчи ногӕй амона Хуыцауы ныхасы абетӕ; хъӕбӕр хойраг нӕ, фӕлӕ та уӕ ногӕй ӕхсыр хъӕуы.
Йӕ хойраг ӕхсыр кӕмӕн у, уый раст цы у, уымӕн ницы ӕмбары, уымӕн ӕмӕ нырма дзидзидай у.
Ноггуырд сабитау кӕддӕриддӕр уӕ зӕрдӕ агурӕд удӕн царддӕттӕг сыгъдӕг ӕхсыр – рӕзты хос уын куыд уа уӕ фервӕзынӕн, афтӕ.