Хуыцау ноджыдӕр загъта: «Мӕ цӕсгом фенын дӕ бон нӕу; уымӕн ӕмӕ адӕймаг Мӕн куы фена, уӕд удӕгасӕй нӕ баззайдзӕн».
Хуыцауы никуы ничи федта, фӕлӕ Йӕ раргом кодта Йӕ иунӕг Фырт – Фыдимӕ иу ӕмӕ ӕцӕг Хуыцау Чи у, Уый.
Уый у, бацӕуӕн кӕдӕм нӕй, ахӕм рухсы Чи цӕры, адӕмӕй Кӕй ничи федта ӕмӕ фенӕн Кӕмӕн нӕй, уыцы Хуыцау. Ӕнӕмӕлгӕ цард ӕрмӕст Уымӕ ис. Намыс ӕмӕ Йын паддзахад уӕд мыггагмӕ! Амен.
Фӕлӕ Йын Йӕ дзырд чи ӕххӕст кӕны, уымӕн йӕ зӕрдӕйы ӕцӕг ӕрцарди Хуыцауы уарзт. Уымӕй нын раргом вӕййы, мах Йемӕ кӕй баиу стӕм, уый.
Уарзондзинад нӕ зӕрдӕты цӕры афтӕ ӕххӕстӕй, ӕмӕ ныфсджын уыдзыстӕм тӕрхоны бон, уымӕн ӕмӕ ацы дунейы цӕрӕм, Чырысти куыд царди, афтӕ.