Гьар саным булай деп айтар: «Раббим! Сендей ким болур? Гючсюзню гючлюден, пакъырны да, ярлыны да талавурчудан азат этеген Сенсендир».
Йырлагъыз чы Аллагьыбызгъа, Ону атын тутуп йыр да айтыгъыз чы, оьрге гётеригиз чи кёклерде юрюп айланагъанны. Раббидир Ону аты. Сююнюп де къалыгъыз Ону алдында.
Кёклерден де бийикдир Сендеги муъминлик, Аллагьым. Зор уллу ишлер этдинг Сен. Аллагьым, Сагъа тенг гелип болардай ким бар экен дагъы?
Аллагьым! Сыйлыдыр Сени ёлунг. Аллагьыбыз йимик ким Аллагьдыр шолай уллу!
Халкъланы къырмакъ учун, Ону авзундан чыкъгъан итти бир къылычы бар эди. О олагъа къатты низам салып гьакимлик этежек. Бары да затны Еси болгъан Аллагьны бек гючлю къазапланывуну юзюм сыгъагъан еринде чагъыр сыгъажакъ.