Книга Псалтирь Cтих 25 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Езралы Етанны уьйретивю.

Зор сюювюнгню даим йырлап турарман, Раббим. Наслудан наслугъа аминлигингни де билдирип турарман авзум булан.

Неге тюгюл де: «Гьеч алышынмас дагъы зор сюювюнг, кёклердедир аминлигингни токъташдыргъанынг да Сен», – деп айтаман.

Шо заманда булай деп айтдынг: «Танглагъаным Давут булан разилешив бегетдим Мен, булай деп ант эте эдим къулум болгъан огъар:

„Даимге беклешдирер мен наслунгну, наслудан наслугъа токъташдырарман тахынгны“».

Кёклер де макътав этип турар гьайран ишлеринге, сыйлыланы арасында аминлигинг де Сени, Раббим.

Неге тюгюл де, ким бола дагъы кёклерде Раббибиз булан тенг болуп? Ким бола дагъы Аллагь яратгъанланы арасында Раббибизге ошап?

Къоркъунчлудур Аллагь оьтесиз кёп сыйлыланы жыйылгъан еринде, Оьзюню айланасындагъылыр учун да къоркъунчлудур Ол.

Раббим, къудратланы Аллагьы! Сендей гючлю ким бар экен, Раббим? Аминлигинг де айланангдадыр Сени.

Бек ачувлу денгизге гьакимлик этесен Сен. Толкъунларын гётерегенде, шоланы енгип къоясан Сен.

Дагъытып къойдунг Сен Рагьавну, оьлю сюекдей ятып тура ол да. Къатты къудратынг булан чачып къойдунг душманларынгны да.

Сеникидир кёклер, Сеникидир ер юзю де. Дюньяны, шону ичиндеги бары да затны къургъан Сенсендир.

Сенсендир темиркъазыкъ булан къыбланы яратгъан. Сени атынгдан сююнюп турадыр Табор тав булан Гьермон тав.

Къаттыдыр къудратынг Сени, гючлюдюр къолунг Сени, бийикдедир онг къолунг Сени.

Муъминлик булан адилликдир тахынгны кюрчюсю. Зор сююв булан аминликдир алдынг булан юрюйген Сени.

Насиплидир сююнч булан Сагъа алгъыш этеген халкъ! Юзюнгден янагъан нюр булан юрюп турадыр олар, Раббим.

Атынгдан сююнюп турадыр гюнню узагъында, гертилигинге де макътав этип турадыр олар.

Неге тюгюл де, бизин гёзеллигибиз де, зорлугъубуз да Сенсендир, Оьзюнгню яхшы янашывунг булан бизин уьстюнлю этеген де Сенсендир.

Сенсендир бизге якълавчуну танглагъан, Раббим. Сенсендир, Исрайылны Сыйлы Аллагьы, бизге пачабызны да берген.

Бир заманларда бир гёрюнюшде Оьзюнгню халкъынга айта эдинг, булай деп де айтдынг: «Мен къоччакъгъа кёмек этдим, халкъны арасындан сайлангъанын оьрге чыгъардым.

Къулум болгъан Давутну тапдым Мен, сыйлы зайтун май да сюртюп, тангладым Мен ону.

Ону булан болуп турар къолум Мени, къудратым да беклешдирип турар ону.

Душман оьр чыгъып болмас ондан, къылыкъсыз да гьеч тарчыкълыкъгъа салмас ону.

Уруп саларман алдына душманларын ону, йыгъып къоярман ону гёрюп ярамайгъанланы да.

Аминлигим де, зор сюювюм де ону буландыр, атым булан ону уьстюнлю этеген де Менмендир.

Параллельные места

Псалтирь 88:2

Денгизге саларман къолун ону, оьзенлеге саларман онг къолун да ону.

„Атам, Аллагьым, къутгъарылывумну беклиги“, – деп чакъырыв этер ол Магъа.

Мен де биринчи этермен, ер юзюндеги бары да пачалардан да оьр саларман ону.

Даимге сакъларман огъар бакъгъан зор сюювюмню, ону булангъы разилешивюм де бек болар.

Даимге узатып турарман наслусун ону. Кёкню гюнлеридей даимге узатып турарман тахын да ону.

Эгер де къанунумну къоюп къойса ону уланлары, уьйретивюм булан юрюп де турмаса,

Эгер де насигьатларымны бузуп къойса, буйрукъларымны да сакъламай турса,

Гьакимлик этеген таягъымны тийдирермен жинаятчылыкъларына оланы, гюнагьларына багъып да урарман оланы.

Зор сюювюмню чю алмасман Давутдан, аминлигимни де гьеч алышдырмасман.

Бузмасман разилешивюмню, гьеч алышдырмасман авзумдан чыкъгъан затны да.

Сыйлылыгъым булан бир керен ант этдим Мен; ялгъан айтмасман дагъы Давутгъа.

Гьар заманда да болуп турар наслусу ону, гюнешдей алдымда турар ону тахы да.

Айдай, кёклерде амин турагъан шагьатдай даим де къатты турар».

Амма гьали гери урасан, гёрюп ярамайсан, къазапланасан Оьзюнг танглагъан пачанга.

Гери уруп къойдунг къулунг булангъы разилешивюнгню, ерге тюшюрюп къойдунг тажын ону.

Бузуп къойдунг бары да баруларын ону, чёкген гьалгъа салып къойдунг бекликлерин де ону.

Талап туралар ону оьтеген-барагъанланы барысы да. Кюлкюге къалып къалды хоншуларына ол.

Уьстюнлюкню берип къойдунг огъар къаршы чыкъгъанлагъа Сен, бары душманларын да къувандырып къойдунг Сен.

Артгъа буруп къойдунг къылычыны учун, ябушувда да беклешдирмединг ону.

Тизив гьалын чыгъарып алдынг, ерге тюшюрюп къойдунг тахын да ону.

Къысгъартып къойдунг жагьил йылларын, илыкъгъа чыгъарып да къойдунг ону.

Къачан болгъунча токътавсуз яшынып турарсан, Раббим? Къачан болгъунча ялындай янып турар уллу ачувунг да?

Эсге алып къой чу къысгъалыгъын мени оьмюрюмню. Не къысгъа мюгьлетге яратып къойгъансан дагъы Сен инсанланы?

Кимдир инсанлардан, яшама да яшап, оьлюмню гёрмей къалгъан, ахыратны гючюнден жанын къутгъарып болгъан да?

Къайдадыр алдагъы зор сюювюнг, Раббим? Аминлигинг булан ант этген эдинг чи Сен Давутгъа.

Эсге алып къой чу, Раббим, мысгъыллангъан къулларынгны. Кёп халкълардан яшырып, юрегиме салып айланаман шо мысгъыллавланы мен.

Бир мысгъыллап тура дагъы душманларынг Сени, бир иришхат этип тура дагъы Сен танглагъан пачангны гьызларын.

Гьар даим де макътавлар болсун дагъы Раббибизге! Амин, амин.

← Предыдущая

Псалтирь

Выбор основного перевода