Оланы арасында Ону муъжизатлы сёзлерин гёрсетди, Гьам топурагъында да Ону гьайран ишлерин гёрсетди олар.
Къарангы этип къойду, къарангылыкъ къуршап алды. Къаршы чыгъып турдулар мисрилилер Ону сёзюне.
Къангъа айландырып къойду оланы сувун, къырып къойду оланы балыгъын.
Бакъадан толуп къалды оланы топурагъы, гьатта пачаларыны ятагъан уьйлери де.
Ол айтып, увакъ жан-жанывар гелип къалды, чиркей жибин де басып къойду оланы бютюн уьлкесин.
Янгурну орнуна бурчакъны, гюйдюртеген отну явдуруп къойду оланы топурагъына.
Юзюмлерин, инжирлерин къырып, тереклерин дагъытып къойду бютюн топурагъында.
Ол айтып, ченгертки, къара булутдай санавсуз ченгертки гелип къалды шонда.
Ашап битдирдилер отну топурагъындагъы, ашап битдирдилер емишлерин авлакъларындагъы.
Къырып къойду башлап тувгъан гьар-бир яшын, эргишилени белинден тувгъан башлапгъы яшларын да топурагъындагъы.