Книга Псалтирь Cтих 22 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Псалтирь Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Псалтирь

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150

Асафны уьйретивю. Тынгла, гьей халкъым, уьйретивюме мени, къулакъ да асыгъыз авзумдан чыгъагъан сёзлериме.

Масаллар айтайым авзум булан, эжжелги сырланы да ачайым мен.

Гележекдеги наслугъа Раббибизни макътавлу ишлерин, Ону къудратын, Ол этген гьайранлыкъланы билдире туруп, эшитгенибизни, билгенибизни, аталарыбыз хабарлагъанланы оланы яшларындан яшырмайыкъ чы.

Якъубну наслусуна буйрукъланы берген, Исрайылда Оьзюню къанунун токъташдыргъан Олдур. Гележекдеги наслу, туважакъ яшлар билсин деп, олар да оьз заманында оьзлени яшларына билдирсин деп, шону ата-бабаларыбызгъа наслуларына билдирмеге буюргъан Ол.

Шолайлыкъда Аллагьгъа умут этер, Ону ишлерин унутмас, Ону буйрукъларын сакълап турар олар.

Хырча, питнечи, юреклери токъташмагъан, ругьу булан Аллагьгъа амин болмагъан ата-бабаларына ошап къалмас олар.

Ябушувну гюнюнде артгъа багъып къачып токътадылар Ефремни савутлангъан, жаялар булан атышагъан уланлары.

Аллагьны разилешивюн кютмедилер олар, Ону къанунуна гёре юрюмекни де гери уруп токътадылар олар.

Унутуп токътадылар Ону ишлерин, оьзлеге Ол гёрсетген гьайранлыкъланы да.

Мисриде, Согьан деген топуракъда муъжизатлар этип къойду Ол оланы ата-бабаларыны гёз алдында.

Денгизни бёлюп йиберип, шондан таба оьтгерип къойду оланы, сувну да барудай эретургъузуп къойду Ол.

Гюндюзлер булут булан, гечелер буса отну ярыгъы булан юрютюп турду оланы.

Дангылдагъы ярны уруп эки ярып йиберип Ол, терендеги сувлардан йимик ичме берип къойду олагъа.

Ярдан агъымлар акъдырып къойду, сувлар да оьзенлер йимик агъып тербеди.

Амма Ону алдында этеген гюнагь ишлерин, дангылда Аллагьу-Таалагъа таби болмагъанын узатып турдулар олар.

Сюеген ашны талап эте туруп, юрегинден сынап турдулар олар Аллагьны.

Аллагьгъа къаршы сёйлеп де турдулар. «Дангылда аш гьазирлеп боламы экен дагъы Аллагь?

Гертиден де, ташгъа багъып уруп йиберди Ол, агъып йиберди сувлар, ёл алып йиберди гиччи оьзенлер де. Амма аш берип боламы экен дагъы Ол, халкъына эт гьазирлеп де боламы экен дагъы?» – деп де айтдылар.

Эшитди Раббибиз, къазапланып, ялындай болуп гетди Ол. Якъубгъа къабунуп гетди от, Исрайылгъа багъып тербенип гетди къазапланыв да.

Неге тюгюл де, иман салмадылар олар Аллагьгъа, аркъатаямадылар Ону къутгъарылывуна.

Параллельные места

К Евреям 3:18

Оьзюню рагьатлыгъыны ерине олар бир заманда да гирмеслер деп Аллагь кимге ант этген болгъан экен? Аллагьгъа тынгламагъан адамлар тюгюлмю?

Оьрден таба булутлагъа буйрукъ этди, кёкню эшиклерин де ачып берди Ол.

Рызкъы гьисапда маннаны явдуруп къойду олагъа, кёклердеги экмекни де берди олагъа.

Малайиклени экмегинден ашап турду инсан, тойгъунча рызкъы берди олагъа Ол.

Кёкде гюнтувуш елни чыгъарды, къудраты булан къыбла елни де гелтирди Ол.

Чанг йимик этни де, денгизни къайыры йимик, къанатлы къушланы да явдуруп къойду олагъа.

Оьзлени къонушгъан еринде, яшавлукъ этеген ерлерини къырыйында дагъытып къойду оланы.

Ашап, тазза тойдулар олар да, оьзлер сюеген затны да берди олагъа.

Амма оланы къутургъаны, авзундагъы рызкъысы тайып да битмеген эди,

Аллагьны къазапланыву етишди олагъа, гючлюлерин оьлтюрдю оланы, дагъытды Исрайылны къуватларын да.

Шогъар да къарамайлы, узатып турду гюнагь ишлерин олар, инанмадылар Ону гьайранлыкъларына да.

Бир маънасыз оьтгереген гюнлерин, къоркъувда оьтгереген йылларын дагъытып къойду оланы.

Оьзлени оьлтюрюп турагъанда, излеп турдулар олар Аллагьны, сёйледилер, къасткъылып гелдилер Огъар багъып.

Аллагь оьзлени яры, Аллагьу-Таала азат этивчюсю экенни эсге алып да турдулар.

Авзу булан яревкелик этип сёйледилер, тили булан да ялгъан айтып турдулар Огъар.

Юреги буса тюз тюгюл эди Ону алдында, олар да амин тюгюл эдилер Ону разилешивюне.

Амма рагьмулу Аллагь гечип турду гюнагьны, къырып да турмады оланы. Къазапланывуну алдын алып турду кёп керенлер, бары яман ачувун да гёрсетип турмады Ол.

Олар янгыз бир къаркъара, елни енгил уьфюрювю экенни эсинде сакълап турду Ол.

Нече керен къаршы чыгъып турду дагъы дангылда Огъар, нече керен пашман этип турду дагъы олар инсан яшамайгъан ерде де Ону.

Къайтып сынап турдулар Аллагьны, мысгъыллап да турдулар Исрайылны сыйлы Аллагьын.

Къоллары оланы зулмудан азат этген гюню, Мисриде этген муъжизатлары, Согьан деген топуракъда этген гьайранлыкълары Ону эсинде ёкъ эди.

Оьзлер ичип болмасын деп, оланы оьзенлерин, оланы ташгъын сувларын къангъа айландырып къойду.

Тиксин деп, олагъа увакъ жан-жаныварны, дагъытсын деп, олагъа бакъаланы йиберди.

Топуракъдагъы оьсюмлюклерин гёбелек хуртгъа, оланы тюшюмюн де женгерткиге талатып къойду.

Юзюмюне бурчакъ, инжирине де буз тёгюп къойду.

Гьайван-малына бурчакъ явдуруп, туварларына да яшмын яшнатып къойду.

Къазапланывуну ялынын, къагьарланывун, зор уллу ачувун, балагь, дагъытагъан малайиклени де йиберип къойду олагъа.

Оьзюню къазапланывуна толу ихтияр берип къойду, жанларын оьлюмден къутгъармады оланы, амма эпсиз яман аврув булан оьлтюрюп къойду оланы.

Мисридеги башлап тувгъан гьар-бир яшны да, Гьамны чатырларындагъы эргишилени белинден тувгъан башлапгъы яшларын да дагъытып къойду.

Халкъын къойлардай алып юрюп турду, дангылдан сиривдей алып юрюп турду оланы.

Гьеч бир къоркъунчсуз алып юрюп турду оланы, къоркъуп турмады олар да, душманларын буса денгиз ютуп къойду оланы.

Оьзюню сыйлы топурагъына, онг къолу булан алгъан бу тавгъа гелтирип къойду оланы.

Къувалап чыгъарды шондан халкъланы, топурагъын пайлап берди варисликге олагъа, Исрайылны къавумларын ерлешдирди чатырларында оланы.

Амма дагъы да сынап, къаршы чыкъдылар олар Аллагьу-Таалагъа, кютмедилер Ону буйрукъларын да.

Аталары йимик, тюз ёлдан чыгъып, амин болмай турдулар, яравсуз окъдай онгайсыз гьалгъа салып да турдулар.

Ялгъан аллагьлагъа сужда этеген ерлери булан ачувландырып токътадылар, ялгъан аллагьлары булан да гюнчюлюгюн уятып турдулар Ону.

Эшитип, Аллагь бек къазапланып алды, толу кюйде гери урду Исрайылны.

Силомда яшавлукъ этеген ерин, оьзюнде инсанланы арасында яшап турагъан чатырын гери урду Ол.

Есирликге сыйлы сандыкъны, душманны къолуна Оьзюню къудратыны ва макътавлугъуну белгисин берип къойду Ол.

Оьз халкъына къазапланып алды, къылычгъа къаршы этип къойду оланы.

Ялын ютду шоланы жагьил уланларын, той сарынлар айтылмады жагьил къызларына да.

Къылыч йыгъып турду дин къуллукъчуларын шоланы, йылап турмадылар тул къалгъан къатынлары да шоланы.

Амма юхудан айыкъгъандай, жагь нартдай болуп къалды Раббибиз.

Къувалап чангына бакъдырды душманларын, даимлик биябурлукъгъа чыгъарып да къойду оланы.

Гери уруп къойду Юсупну наслуларын, Ефремни къавумларын да танглап турмады.

Ягьуданы къавумун да, оьзюн сююп къойгъан Сион тавун да буса сайлап къойду Ол.

Кёкню йимик къурашдырып къойду Оьзюню сыйлы ерин, ер юзюн йимик даимликге беклешдирип де къойду шону.

Танглап алды Оьзюню къулу болгъан Давутну, къойлар турагъан гюренлерден чыгъарып,

сиривден айырып алды ону. Якъубну – Оьзюню халкъын, Исрайылны – Оьзюню варислигин къойланы йимик сакъламакъ учун гелтирди Давутну.

Ол да гьакъ юрекден къойланы йимик сакълап турду оланы, бек гьакъыллы кюйде ёлбашчылыкъ да этип турду олагъа.

← Предыдущая

Псалтирь

Выбор основного перевода