Аллагьым! Жагьил заманымдан берли де мени уьйретип тургъан Сенсендир, гьали болгъунча да гьайран ишлерингни билдирип тураман мен Сени.
Йырлагъыз чы Огъар, Ону атын тутуп йыр да айтыгъыз чы. Айтып юрюгюз чю бары да Ону гьайран ишлерини гьакъында.
Гьей сиз, Раббибизни къулу болгъан Ибрагьимни авлетлери, Якъубну наслусу, Раббибизни танглагъанлары! Эсге алып туругъуз чу Раббибиз этген гьайран ишлени, Ону муъжизатларын, Ол айтып этген дуванланы да.
Эсге аламан бырынгъы заманланы, ойлашып къарайман бары да Сени ишлерингни гьакъында, ой этип къарайман Сени къолларынг этген ишлени гьакъында.