Раббибизден къоркъагъанлар алгъыш этсин дагъы Огъар! Якъубну бары да наслулары макътав этсин дагъы Огъар! Исрайылны бары да наслулары гьюрмет этсин дагъы Огъар!
Сени гьакъынгда юрегим: «Излегиз Мени», – деп айтып тура; мен де излеп туражакъман Сени, Раббим.
Балагь гелгенде, атымны тутуп чакъырыв этдигиз сиз, Мен де азат этдим сизин. Кёк кёкюревню арасындан эшитдим сизин, Мерибаны булакълары бар ерде сынап да къарадым сизин.
Чакъырыв этер Магъа, Мен де жавап берермен огъар. Къайгъысында табыларман, къутгъарарман, гьюрметли де этермен ону.
Амма шолай къайгъылагъа тюшгенде, Раббибизни атын тутуп чакъырыв этдилер олар, Ол да балагьларындан азат этип къойду оланы.
Амма шолай къайгъылагъа тюшгенде, Раббибизни атын тутуп чакъырыв этдилер олар, Ол да балагьларындан къутгъарып къойду оланы.