Раббибизни гьакъындадыр уллу жыйынлардагъы мени макътавларым; ваъдаларымны да етишдирермен Ондан къоркъагъанланы алдында.
Шюкюрлюк къурбанларын этип турсунлар дагъы Огъар, йырлай туруп билдирип турсунлар дагъы Ону ишлери гьакъда да!
Сени учун этермен шюкюрлюк булан къурбанымны мен, Раббибизни атын тутуп чакъырыв да этермен.
Шогъар гёре, гьей къардашлар, Аллагьны рагьмусу учун сизге тилеймен: Оьзюне багъышлангъан ва Оьзю рази къалагъан жанлы къурбан йимик, къаркъараларыгъызны Аллагьгъа беригиз. Шо сизин гьакъ ибадатыгъыз болур.
Гелигиз, Исадан таба Аллагьгъа шюкюрлюкню, демек авзуларыбызны савгъаты болгъан затны, даим къурбан этейик. Бизин авзуларыбыз Ону атына макътав эте.
Бирев-биревге кёмек этме ва башгъалагъа пай чыгъарма унутуп къалмагъыз. Аллагь шолай къурбанланы сюе.