Сагъадыр, Раббим, аркъатаяйгъаным. Гьеч илыкъмасман дагъы бир заманда да.
Сендеги гертилик булан азат этип, эркин этип къой мени. Къулагъынгны ювукъ сал магъа, къутгъарма да къутгъар мени.
Мени якъламакъ учун, аркъатаяв болуп къал гьар заман магъа. Мени къутгъарма буйрукъ этип къой, неге тюгюл де ярымсандыр, беклигимсендир Сен мени.
Къылыкъсызланы сёзюне тынгламайгъан, гюнагьлыланы ёлуна да тюшмеген, мысгъыллавчуланы жыйынларында да олтуруп турмайгъан гиши насиплидир.
Чакъырыв эте эдилер олар Сагъа, къутгъарылып къала эдилер олар да; Сагъа эдилер умут этеген олар, гьеч илыкъма да тюшмей эди олагъа.
Раббим! Сагъа чакъырыв этемен деп гьеч илыкъмасман дагъы мен. Къылыкъсызлар буса биябур болуп къалсын дагъы, ахыратда пысып къалсынлар дагъы олар.