Раббим, Аллагьым мени! Сенсендир аркъатаявум мени. Мени гьызарлайгъанланы барысындан да мени къутгъар, къутулт дагъы.
«Айт чы магъа, Раббим, ахырымны гьакъында; нечакъы оьмюр берилгенни билмек учун, гюнлеримни де санап бер мени.
Тувуп битгенче де гёрюп турдунг Сен мени. Магъа токъташдырылгъан гюнлени биринчиси башлангъанча да, китабынга язылып бар эди шоланы барысы да.
Раббиме: «Аллагьымсандыр Сен мени; эшитип къой чу, Раббим, ялбарыв тавушларымны мени», – деп айтдым мен.