Книга Псалтирь Cтих 13 | Параллельные места

Къабургъа гире турагъанлар йимик болгъанман мен. Оьлгенлени арасына ташлангъан, оьлтюрюлюп табутда ятгъанлар йимик, бир гючсюз инсан болуп къалдым мен. Оланы эсге де алмайсан Сен, къолунг гери де ургъан оланы. Къабургъа гире турагъанлар йимик болгъанман мен. Оьлгенлени арасына ташлангъан, оьлтюрюлюп табутда ятгъанлар йимик, бир гючсюз инсан болуп къалдым мен. Оланы эсге де алмайсан Сен, къолунг гери де ургъан оланы.

Неге тюгюл де, кёплени яман сёйлейгенин, бары да яндан къоркъув гелип турагъанын эшитип тураман мен. Олар магъа къаршы тилбир этип, жанымны къыйма ойлашып туралар.

Мен буса Сагъадыр умут этегеним, Раббим. «Сен мени Аллагьымсан», – деймен мен.

Сени къолунгдадыр мени къысматым. Душманларымны, мени къувалап турагъанланы къолундан азат эт дагъы мени.

Нюрлю юзюнг булан ярыкъландырып къой дагъы Оьзюнгню къулунгну, зор сюювюнг булан къутгъарып къой дагъы мени.

Раббим! Сагъа чакъырыв этемен деп гьеч илыкъмасман дагъы мен. Къылыкъсызлар буса биябур болуп къалсын дагъы, ахыратда пысып къалсынлар дагъы олар.

Муъминлеге оьктем, сансымай къарай туруп, яман сёйлейген тиллер тутулуп къалсынлар дагъы.

Оьзюнгден къоркъагъанлагъа деп сакълагъан, адамланы алдында Сагъа умут этегенлеге деп онгаргъан яхшылыкъларынг не кёпдюр дагъы Сени.

Адамланы башгётеривлеринден барлыгъынг булан сакълап турасан шоланы Сен, эришивлерден де яшырып турасан шоланы Сен.

Раббибизге макътав болсун! Неге тюгюл де, асгерлер къуршап алгъан шагьарда магъа Оьзюню зор сюювюн гьайран кюйде гёрсетди Ол.

Абдырап къалмакълыгъымдан: «Сени гёз алдынгдан тайдырылгъан эдим мен», – деп ойлашгъан эдим, амма Сагъа чакъырыв этгенде, дуамны тавушун эшитдинг Сен.

Сююгюз Раббибизни, Ону бары да халкъы. Амин болгъанланы къоруп сакълар Раббибиз, оьзлени хохабаз тутагъанлагъа буса тийишлисин берер Ол.

Къатып туругъуз, юреклеригиз де беклешип къалсын дагъы сизин, Раббибизге умут этегенлени барысы да!

← Предыдущая

Псалтирь

Выбор основного перевода