Книга Притчи Cтих 19 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Тынгла! Гьикматлыкъ да, англав да сагъа чакъырыв эте.

Олар тёбе башларда, орамларда, ёллар бир-бирине къошулагъан ерлерде токътагъан.

Олар шагьаргъа гиреген ерде де токътап, къапу алда чакъыра.

Гьикматлыкъ булай деп сёйлей: «Мен бары да адамлагъа чакъырыв этемен!

Англавсузлар, англавлу болугъуз, агьмакълар гьакъыл топлагъыз.

Мен уьйретеген зат бары да агьамиятлыдыр, мен сизге тюз затны гьакъында сёйлеймен.

Мени бары да сёзлерим гьакъ гертидир, мен ялгъанны гёрюп ярамайман.

Мени бары да сёзлерим адиллидир, о сёзлерде бир намартлыкъ да, ялгъан да ёкъдур.

Олар барысы да англавлулагъа ачыкъдыр, билими барлар оланы англар.

Мени уьйретивюмню къабул этигиз – о гюмюшден багьалыдыр, алтындан да къолайдыр.

Гьикматлыкъ жавгьардан да сыйлыдыр, сени лап жанынг сюйген затлар да огъар тенг гелмес.

Мен Гьикматлыкъман. Мени булан даим гьакъыл да, билим де, оьтгюрлюк де болар.

Эгер де адам Раббибизден къоркъа буса, о яманлыкъны гёрюп ярамас. Мен, Гьикматлыкъ, оьктемлигинден, хохабазлыгъындан шишип айланагъанланы гёрюп ярамайман. Мен яман ёлланы, ялгъан сёйлейгенлени гёрюп ярамайман.

Тек мен адамлагъа токъташма, тюз гьукму чыгъарма имканлыкъ берермен. Мен олагъа гюч де, англав да берермен.

Мени кёмеклигим булан пачалар башчылыкъ этер, гьакимлер мени кёмеклигим булан къанунлар яратар.

Гьакимлер де, вазирлер де, дуванчылар да, гьакимлик эте туруп, менден пайдаланар.

Мен мени сюегенлени сюемен, излеген мени табар.

Мен байлыкъ, уьстюнлюк, абур, макътав гелтирермен.

Мени емишлерим алтындан да артыкъдыр, тап-таза гюмюшден де къолайдыр.

Параллельные места

Притчи 3:14

Притчи 8:10

Притчи 10:20

Гюмюшден эсе гьакъыл тапса яхшыдыр, неге тюгюл де о алтындан да сыйлыдыр. Мени уьйретивюмню къабул этигиз – о гюмюшден багьалыдыр, алтындан да къолайдыр. Гьалал адамны сёзю сайлап алынгъан гюмюш йимикдир, намуссузну юреги буса тарыкъсыз затдыр.

Мен инсанланы тюз ёл булан, адилликни сокъмагъы булан алып юрюрмен.

Мени сюегенлеге мен байлыкъ берермен, мен оланы уьйлерин уллу байлыкълардан толтурарман.

Мени, Гьакъылны, Раббибиз инг башлап яратгъан.

Мен дюнья яралгъанча да алда яратылгъанман.

Мен инг аввалгъы дериядан алда арагъа чыкъгъанман, сувдан эсе алда яралгъанман.

Мен тавлар, тёбелер тургъузулгъанча арагъа чыкъгъанман.

Мен Раббибиз дюньяны авлакъларын, башлапгъы чангланы яратгъанча арагъа чыкъгъанман.

Аллагь, кёклени яратгъанда, дюньяны дёгереклерин де гьызып, дериягъа дазулар салгъанда мен онда эдим.

О кёклени булутлардан, дерияны сувдан толтургъанда мен онда эдим.

Сувлары Оьзю гёрсетгенинден эсе бийикге гётерилмесин деп, Раббибиз денгизлерде дазуланы белгилегенде, дюньяны кюрчюсюн салгъанда мен онда эдим.

Мен бажарывлу кёмекчидей Ону къырыйында эдим. Гьар гюн де мен Раббибизни алдында къуванып турдум.

Мен О яратгъан аламдан къувана эдим, О яратгъан инсанланы гёрюп, мен насипли бола эдим.

Гьали, магъа тынглагъыз, балаларым. Мени ёлларымдан юрюсегиз, сиз насипли боларсыз.

Мени насигьатларыма тынглап, гьакъыллы болугъуз, магъа тынгламай къоймагъыз.

Магъа тынглайгъан, мени эшиклеримни къырыйында гьар гюн айыкъ турагъан, мени эшик алдымда къаравуллап токътагъан, гертиден де, насипли болар.

Мени тапгъанлар барысы да яшав да табар, Раббибизни сююмлюлери болуп токътар.

Магъа къаршы гюнагь иш этеген оьзюне зарал гелтирер, гьакъылны гёрюп ярамайгъан гьар-ким де ажжалны сюер».

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода