Мисрилилер сени гёрюп, сен мени къатыным экенни англажакъ. Сени сав къояжакъ, мени буса оьлтюрюп къояжакъ!
Олагъа сен мени къызардашымсан деп айтып къоярсан. Шолай этсенг, бары зат яхшы болажакъ, мени оьлюмден къутгъаражакъсан.
Аллагьу-Таалагъа сыйынып яшайгъан, бары да затны Еси болгъан Аллагьны якълавуну тюбюнде турагъан
Раббибизге: «Якълавум, беклигим мени, Оьзюне умут этеген Аллагьым мени», – деп айтар.
Гьавчуну торундан да, оьлю ярадан да азат этер сени Ол.
Къанат тюклери булан яшырып къояр сени, къанатларыны тюбюнде къоркъунчсузлукъда да боларсан сен. Къалкъандыр, барудур гьакъ гертилиги Ону.
Гьеч тартынмассан гечеги къоркъунчлукълардан, гюндюз учагъан окъдан,
Къарангылыкъда юрюп айланагъан ярадан, тюшде боппо-бош этип къоягъан югъагъан аврувдан.
Янынгда минглер булан, онг къолунг бар якъда да он минглер булан йыгъылып къалдылар. Амма сагъа чы зарал этмес шолар.
Къылыкъсызлар такъсырланар, сен бусанг шону янгыз гёрюп турарсан.
Неге тюгюл де, Раббибизни аркъатаявунг этип, Аллагьу-Тааланы якълавунг этип тангладынг сен.
Гьеч яманлыкъ болмас сагъа, балагь да ювукълашмас уьюнге.
Неге тюгюл де, бары ёлларынгда сени къоруп сакълап турсун деп, малайиклерине буюруп турадыр Ол.
Аягъынг булан ташгъа сюрюнюп йыгъылып къалмасын деп, къолларына алып юрюрлер сени олар.
Басарсан къара йылангъа да, арслангъа да; таптап чыгъарсан арслан баланы да, агъулу йыланны да.
Раббибиз булай деп айтар: «Мени сююп къойгъаны учун азат этермен ону. Якъларман ону, неге тюгюл де мюкюрлюк этер ол атыма Мени.
Чакъырыв этер Магъа, Мен де жавап берермен огъар. Къайгъысында табыларман, къутгъарарман, гьюрметли де этермен ону.
Узакъ оьмюрден тойдурарман ону, къутгъарылывумну да гёрсетермен огъар».
Англавлу кюйде иш гёрген талайлыкъ табар, Раббибизге аркъа таягъан да насиплидир.
Раббибиз оьзюню ичинде гьалал адамлар парахат яшынып туруп болагъан къатты беклик йимикдир.
Гьирод Ягьияны оьлтюрмеге де сюйген. Амма халкъдан къоркъгъан, неге тюгюл де халкъ ону пайхаммар деп гьисап эте болгъан.
Ягьудилени башчыларыны арасында да Исагъа иман салгъанлары аз болмагъан. Амма олар оьзлени синагогдан къувалап къоймасын деп, фарисейлерден къоркъуп, Исагъа салгъан иманы гьакъында ачыкъдан айтып болмагъан.
Олар инсан этеген макътавлукъну Аллагьдан гелеген макътавлукъдан эсе артыкъ сюйген.