Книга Притчи Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Агъымындагъы сувлар йимик, пачаны хыяллары да Раббибизни къолундадыр: О къайсылай сюйсе, шолай багъып акъдырар.

Инсангъа оьзю тутгъан ёлу тюз болуп гёрюнер, амма Раббибиз юреклени сынап къарар.

Къурбандан алда Раббибиз гьалал адамны да, адиллини де ишин къабул этер.

Оьктем къарав да, оьктем юрек де намуссузлагъа хас болгъан гюнагьлардыр.

Къаст булан къала болар, алгъасагъан сув да денгизге етишмес.

Гьарам мал жыймакъ ажжал излейгенлени аз заманлыкъ ишидир.

Адилсиз кюйде иш гёрген намуссузланы яманлыкълары оьзлеге къайтып тиер.

Пасат адамны ёлу къынгыр болар, гьалал адамны иши буса тюз болар.

Яман къатын алгъынча, къысыр къалгъыр къангъынча.

Намуссуз яманлыкъ ёрар, о ювугъуна да яхшылыкъ этмес.

Нажжасны такъсырласанг, сынавсуз адам эс табар; гьакъыллыгъа насигьат берсенг, ону билими артар.

Раббибиз намуссузну уьюнден гёзюн айырмас, ону уьюне балагь гелтирер.

Пакъырны агьына тынгламагъан оьзю де бир агь урар, амма кёмексиз къалар.

Яшыртгъын берилген савгъат – ачувну, тюпден таба берилген рушбат да къазапланывну енгер.

Адилли дуван гесмек гьалал адамгъа къуванчдыр, яманлыкъ этегенге къоркъунчдур.

Гьакъылын тас этген ахыратда эс табар.

Йыбав-кеп сюйген ярлы болар, чагъыр булан яв сюйген де бай болмас.

Намуссузлар гьалал адамлагъа этген яманлыгъы саялы, ялгъанчылар да таза адамлагъа этген бары да заты саялы тёлев берме тарыкъдыр.

Ачувланып, эришип турагъан къатын булан яшагъанча, дангыл топуракъларда яшагъан къолайдыр.

Гьакъыллыны уьюнде артгъа салгъаны болар, авлия буса барын да пуч этер.

Гьалал турагъан да, яхшылыкъ этеген де гьалаллыкъда да, макътавлукъда да яшап къалар.

Гьакъыллы адам шагьарларда-бекликлерде турагъан къудратлы асгерлерден оьр чыгъар, оланы беклигин де дагъытар.

Авзун сакълагъан оьзюн де балагьлардан къоруп сакълар.

Параллельные места

Притчи 12:13

Иакова 3:2

Намуссуз ялгъан сёзлерине тутулар, амма гьалал адам балагьдан къутулар. Биз барыбыз да кёп янгылышабыз. Сёзюнде янгылышмайгъан адам камил адамдыр. О оьзюню бютюн къаркъарасын да тизгинлеп сакълап билер.

Къазапланывун енгме сюймейген адам эдепсиз хохабаздыр, имансыздыр.

Эринчекни сутурлукъ оьлтюрер, неге тюгюл де ону къолу иш сюймес.

О гьаман да сутурланар, гьалал адам буса къызгъанмай уьлешер.

Раббибиз намуссузланы этген къурбанларын гёрюп ярамас, айрокъда бир яман хыял булан этгенлерин.

Ялгъан шагьат ажжал табар, билемен деп сёйлейген адам буса гьаман да сёйлеп турар.

Намуссузну сыпаты эдепсиз болар, гьалал адам буса тюз ёл булан юрюр.

Раббибизден болуп тюгюл эсе, гьакъыл да, англав, насигьат да ёкъдур.

Ябушувда уьстюнлюкню береген аргъумакъ тюгюл, Раббибиздир.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода