Книга Притчи Cтих 5 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Чагъыр мысгъыллатар, боза къутуртар, шолагъа сатылгъан гьакъылсыздыр.

Пачаны къазапланыву арсланны къычырыгъы йимикдир, ону ачувландыргъан оьзюне балагь гелтирер.

Къалмагъалгъа баш сукъмагъан абурун сакълар, авлия буса гьалек болар.

Эринчек гюзде сабан сюрмес, язда буса бир зат да тапмас.

Инсанны юрегиндеги хыяллары терен къую йимикдир, амма англавлу адам ондан сув алып ичмеге болар.

Параллельные места

Притчи 18:4

Инсанны сёзлери терен къую йимикдир, гьакъылны булагъы да саркъып агъагъан сув йимикдир.

Кёплер инсанны рагьмулугъу саялы макътай, амма инамлы адамны ким табар?

Гьалал адам таза юрюр, ондан къалгъан авлетлер де талайлыдыр.

Дуван гесме олтургъан пача оьзюню къараву булан бары да яманлыкъны къувар.

«Мени юрегим де таза, мен гюнагьдан да тазаман», – деп ким айтма болар?

Ялгъан мизанны да, ялгъан оьлчевню де Аллагь гёрюп ярамас.

Яшны этегенине къарап, ону юрюшюню тюзлюгюн де, тазалыгъын да билме болар.

Раббибиз къулакъны эшитме, гёзню буса гёрме яратгъандыр.

Ишлегенге – азыкъ, ишлемеген – языкъ.

Хайыр алагъанны канты кёп болар, амма алгъанын сонг макътап йиберер.

Бу дюньяда алтын да бардыр, жавгьар да, амма гьакъыллы сёзлер барындан да сыйлыдыр.

Биревню борчун бойнунга алсанг, гёлексиз къаларсан, гишини къатыны булан ювукълукъ этсенг де, тап шо кюйде болар.

Ялгъан булан алынгъан азыкъ татывлу тиер, амма сонг тамагъынга тыгъылар.

Таклифге тынглайгъан уьстюнлюк къазанар, дав этеген де насигьатгъа тынглар.

Тилчи булан айлансанг, сырынгны ачар, даллайчы булан да иш гёрме.

Ата-анасына налат бергенни тун къарангыда чырагъы сёнюп къалар.

Алгъасавлукъда чыгъарылып алынгъан варисликни сонг хайыры болмас.

«Яманлыкъ саялы мен оьч аларман», – деп айтма, Раббибизге инан, О да сени сакълап турар.

Тюз тартмайгъан ташланы Аллагь гёрюп ярамас, тюз тартмайгъан мизанлар да яманлыкъдыр.

Раббибиздир бизин ёлгъа салагъан. Биз оьзюбюз къайдан билейик ёлубузну?

Алгъасавлукъда этилген ант да, ойлашылмай берилген сёз де инсан учун тузакъдыр.

Гьакъыллы пача намуссузланы къувукъну чачагъандай якъ-якъгъа чачар.

Инсанны ругьу ону бютюнлей ярыкъ этеген Раббибизни чырагъыдыр.

Рагьму да, гьакълыкъ да пачаны къоруп сакълар, рагьмусу булан да о тахын сакълар.

Яшавну башы ялындыр, арты кюлдюр.

Яралар да, яралардан къалгъан дамгъалар да яманлыкъдан сакълар, тийген таякълар да инсанны табиатын алышдырар.

← Предыдущая

Притчи

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода