Къачан болгъунча сен, эринчек, юхлап турарсан? Къачан сен юхунгдан уянарсан?
Бираз дагъы да юхласанг, бираз дагъы да къалгъысанг, бираз дагъы да къолларынгны да салып олтуруп турсанг,
шо заман сени янынга, саякъ гелегенде йимик, ярлылыкъ гелип къалар, талавурчу гелегенде йимик, тарчыкълыкъ гелип къалар.
Эринчек ярлы болар, гьаракатчы буса бай болар.
Кёп загьмат тёгеген адам сонг оьзгелени де башын тутар, эринчек буса къул йимик ишлер.
Эринчекге бир зат да тюшмес, загьмат тёгеген адам буса байлыкъ къазанар.
Эринчекни сутурлукъ оьлтюрер, неге тюгюл де ону къолу иш сюймес.