Мен булай деп айтдым: «Тилим булан гюнагь этип къоймас учун, ёлларымны тергеп турарман мен; алдымда къылыкъсыз токътап тургъан чакъы авзумну енгип сакълап турарман мен».
Авлия сёйлеген ажжал табар; айтылмагъан сёзню еси бусанг, айтылгъан сёзню къулу боларсан.
Авуз билгенни сёйлер, авуздан чыкъгъан башгъа гелип тиер.
Англавлу адам билимин гёрсетип айланмас, агьмакълар буса авлияларын чачып айланар.
Биз барыбыз да кёп янгылышабыз. Сёзюнде янгылышмайгъан адам камил адамдыр. О оьзюню бютюн къаркъарасын да тизгинлеп сакълап билер.
Сыйлы Язывларда язылгъаны йимик: Ким насипли яшамагъа ва яхшы гюнлени гёрмеге сюе буса, тилин яманлыкъдан ва авзун ялгъандан сакъласын.