неге тюгюл де вазирни алдында тёбен болгъандан эсе, сагъа: «Гел, тёрге чыкъ», – деп айтгъан яхшыдыр. Гёзлеринг булан гёргенингни дувангъа чыгъарма алгъасама, ёгъесе оьзю булан эришген адам сени биябур этме болар.
Башгъаланы гюнагьларындан гечсегиз, кёклердеги Атагъыз да сизин гюнагьларыгъыздан гечер.
Эгер башгъаланы гюнагьларындан гечмесегиз, Атагъыз да сизин гюнагьларыгъыздан гечмес.
Оьзюгюз учун не зат яхшы экенни неге оьзюгюз айырып болмайсыз?
Оьзю булан эришген адам булан дуванханагъа барагъанда, ону булан ёлда ярашмагъа къаст эт. Ёгъесе, о сени дуванчыны янына гелтирер, дуванчы да сени туснакъчыны къолуна берер, туснакъчы да сени туснакъгъа салар.
Сагъа айтаман: лап ахырынчы нохуратынга ерли борчунгну бермесенг, сен туснакъдан чыкъмассан.