Муну эшитгенде, Иса: – Бу оьлюр аврув тюгюл, Аллагьны макътавлугъу учун, ондан таба Аллагьны Уланы макътав къазансын учун йиберилген аврув, – дей.
– Сени эркъардашынг къайтып тирилежек, – дей Иса огъар.
– Тирилив де, яшав да Менмен. Магъа иман салагъан оьлгенден сонг да яшажакъ.
Гьар-бир яшайгъан адам ва Магъа иман салагъан адам бир заманда да оьлмежек. Бугъар сен инанамысан? – дей Иса огъар.