Мени, Гьакъылны, Раббибиз инг башлап яратгъан.
Гьей Атам, дюнья яралгъанчадан берли Сени булан бирче вакътидеги болгъан макътавлугъум йимик, гьали Магъа Оьзюнг булан бирче шолай макътавлукъ гелтир.
Биз сизге башдан Болгъанны – яшав береген Каламны – гьакъында язабыз. Биз Ону эшитгенбиз, гёзлерибиз булан гёрюп къарагъанбыз ва къолларыбыз булан тийгенбиз.
О ачыкъ кюйде гёрсетилди. Биз Ону гёрдюк ва Ону гьакъында шагьатлыкъ этебиз. Биз сизге О даимлик яшав экенни билдиребиз. О Атабыз Аллагь булан болгъан, сонг бизге де гёрсетилген.
О бары яратылгъан затдан алда болгъан. Ону къудраты булан бары да зат тизимли болду.
Оьзю Аллагьдай болса да, Иса Оьзю Ону булан тенг болайым деп айланмагъан.
О къангъа батгъан аба гийген эди ва Огъар «Аллагьны Каламы» деген ат берилген эди.