Мичахь ду те, Хьалдолу Эла, Хьан безам гойтуш долу хьалхалера гІуллакхаш? Мичахь ду те тхоьца тешаме хиларца Ахь Даудана чІагІо йина гІуллакхаш?
Цара лелийначу зуламех Цо бекхам бийр бу, цара динчу вонна Цо уьш хІаллак а бийр бу. Вайн Везачу Дала уьш хІаллакбийр ма бу!
Хьайн соьга болчу хедар боцучу безамца сан мостагІий хІаллакбехьа, сан синна ницкъ бийраш дакъазабахахьа, хІунда аьлча со – Хьан ялхо ву.