ГІийлачеран а, байн а бакъонаш ларъе, къенаш а, мисканаш а бехказабаха.
ГІийланаш а, мисканаш а кІелхьарбаха. Уьш Іесачу нехан карара схьабаха.
Шена уллорачух ца вешачо къа латадо, ткъа къечаьрца къинхетаме верг декъала ву.
Цундела, паччахь, хуьлийла сан хьехам хьуна диканна. Нийсо а лелаяй, хьайн къиношна геч а дайта, къечаьрца къинхетаме а хилий, хьайн харцонаш дІа а яха. ТІаккха хьан беркате хилар дахдала мега“.
Іийсас, цуьнга хьажа а хьаьжна, и везавелла элира: «Цхьа хІума юкъахдитина ахьа. Хьайн долахь мел дерг дІа а дохкий, къечарна дІасадекъа, тІаккха стигалахь жовхІар хир ду хьан. Цул тІаьхьа, схьа а волий, Суна тІаьхьахІотта».
Айхьа шун хІоттош, къенаш, заьІапнаш, астагІнаш, бІаьрзенаш кхайкха.