Иза уллохула тІехваьлча, суна гур а вац, Иза гергахула лелча, суна хаалур а вац.
Цо со билггал вийна дІавоккхур ву, со сатуьйсийла йоцуш ву. Сайн лелар Цунна хьалха билггал лардийр ду аса.
Со малхбузехьа дІавоьду – цигахь Иза вац, малхбалехьа – цигахь а суна Иза ца караво.
Иза къилбаседехь къахьоьгуш хилча а, сан Цунах бІаьрг а ца кхета, къилбехьа Иза дІавирзина хилча а, суна Иза гуш вац.
qac Вqac*езачу Элан кара хьайн некъ дІа а ло, Цунах тешна Іаш а хила, ткъа тІеоьшург Цо кхочушдийр ду.
Цо, серло санна, хьан бакъдерг а гучудоккхур ду, дийнан делкъе санна, хьан нийсо а гучуйоккхур ю.
ТІаккха аса сайн дагахь элира: «Бакъволчунна а, харцволчунна а Дала Ша Шен кхел йийр ю, хІунда аьлча массо а хІуманан а, дерриге а гІуллакхийн шен-шен зама ю».
ХІунда аьлча адамаша мел дечунна – къайлаха деш долу дика я вон иза делахь а – Дала Ша кхел йийр ю.