Книга Св. Евангелие от Матфея Cтих 20

учаще их блюсти вся, елика заповедах вам: и се, аз с вами есмь во вся дни до скончания века. Аминь. Отвеща Иисус и рече ему: аще кто любит мя, слово мое соблюдет: и Отец мой возлюбит его, и к нему приидема, и обитель у него сотворима: Во едину же от суббот, собравшымся учеником преломити хлеб, павел беседоваше к ним, хотя изыти на утрии, простре же слово до полунощи. что убо есть, братие, егда сходитеся, кииждо вас псалом имать, учение имать, язык имать, откровение имать, сказание имать. вся же к созиданию да бывают.

Тогда приступль к нему петр рече: Господи, колькраты аще согрешит в мя брат мой, и отпущу ли ему до седмь крат?

Глагола ему Иисус: не глаголю тебе: до седмь крат, но до седмьдесят крат седмерицею.

Сего ради уподобися царствие небесное человеку царю, иже восхоте стязатися о словеси с рабы своими.

Наченшу же ему стязатися, приведоша ему единаго должника тмою талант:

не имущу же ему воздати, повеле и господь его продати, и жену его, и чада, и вся, елика имеяше, и отдати.

Пад убо раб той, кланяшеся ему, глаголя: господи, потерпи на мне, и вся ти воздам.

Милосердовав же господь раба того, прости его и долг отпусти ему.

Изшед же раб той, обрете единаго клеврет своих, иже бе должен ему стом пенязь: и емь его давляше, глаголя: отдаждь ми, имже еси должен.

Пад убо клеврет его на нозе его, моляше его, глаголя: потерпи на мне, и вся воздам ти.

Он же не хотяше, но вед всади его в темницу, дондеже воздаст должное.

Видевше же клеврети его бывшая, сжалиша си зело и пришедше сказаша господину своему вся бывшая.

Тогда призвав его господин его, глагола ему: рабе лукавый, весь долг он отпустих тебе, понеже умолил мя еси:

не подобаше ли и тебе помиловати клеврета твоего, якоже и аз тя помиловах?

И прогневався господь его, предаде его мучителем, дондеже воздаст весь долг свой.

Тако и Отец мой небесный сотворит вам, аще не отпустите кийждо брату своему от сердец ваших прегрешения их.

← Предыдущая

Св. Евангелие от Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода