Книга Св. Евангелие от Марка Cтих 6

блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе. Да никтоже убо вас осуждает о ядении, или о питии, или о части праздника, или о новомесячиих, или о субботах: Никтоже вас да прельщает изволенным ему смиреномудрием и службою ангелов, яже не уведе учя,без ума дмяся от ума плоти своея, Аще убо умросте со Христом от стихий мира, почто аки живуще в мире стязаетеся? яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти. не внимающе иудейским баснем, ни заповедем человек отвращающихся от истины.

всуе же чтут мя, учаще учением, заповедем человеческим:

оставльше бо заповедь Божию, держите предания человеческая, крещения чваном и сткляницам, и ина подобна такова многа творите.

И глаголаше им: добре отметаете заповедь Божию, да предание ваше соблюдете:

Моисей бо рече: чти отца твоего и матерь твою: и иже злословит отца или матерь, смертию да умрет:

вы же глаголете: аще речет человек отцу или матери: корван, еже есть дар, иже аще пользовался еси от мене:

и не ктому оставляете его что сотворити отцу своему или матери своей,

преступающе слово Божие преданием вашим, еже предасте: и подобна такова многа творите.

И призвав весь народ, глаголаше им: послушайте мене вси и разумейте:

ничтоже есть внеуду человека входимо в онь, еже может осквернити его: но исходящая от него, та суть сквернящая человека:

аще кто имать ушы слышати, да слышит.

И егда вниде в дом от народа, вопрошаху его ученицы его о притчи.

И глагола им: тако ли и вы неразумливи есте? не разумеете ли, яко все, еже извне входимое в человека, не может осквернити его?