Книга Св. Евангелие от Марка Cтих 15

Порождения ехиднова, како можете добро глаголати, зли суще? От избытка бо сердца уста глаголют. Благий человек от благаго сокровища износит благая: и лукавый человек от лукаваго сокровища износит лукавая. Петр же рече: никакоже, Господи, яко николиже ядох всяко скверно или нечисто. И глас паки к нему вторицею: яже Бог очестил есть, ты не скверни. рече же к ним: вы весте, яко не лепо есть мужу иудеанину прилеплятися или приходити ко иноплеменнику: и мне Бог показа ни единаго скверна или нечиста глаголати человека: Вем и извещен есмь о Христе Иисусе, яко ничтоже скверно само собою: точию помышляющему что скверно быти, оному скверно есть. Несть бо царство Божие брашно и питие, но правда и мир и радость о дусе святе. Вся убо чиста чистым: оскверненым же и неверным ничтоже чисто, но осквернися их и ум и совесть.

аще кто имать ушы слышати, да слышит.

И егда вниде в дом от народа, вопрошаху его ученицы его о притчи.

И глагола им: тако ли и вы неразумливи есте? не разумеете ли, яко все, еже извне входимое в человека, не может осквернити его?

яко не входит ему в сердце, но во чрево: и афедроном исходит, истребляя вся брашна.

Глаголаше же, яко исходящее от человека, то сквернит человека:

извнутрь бо от сердца человеческа помышления злая исходят, прелюбодеяния, любодеяния, убийства,

татьбы, лихоимства, лукавствия, лесть, студодеяния, око лукаво, хула, гордыня, безумство:

вся сия злая извнутрь исходят и сквернят человека.

И оттуду востав, иде в пределы тирски и сидонски: и вшед в дом, ни когоже хотяше, дабы его чул: и не може утаитися.

Слышавши бо жена о нем, еяже дщи имяше духа нечиста, пришедши припаде к ногама его:

жена же бе еллинска, сирофиникисса родом: и моляше его, да беса изженет из дщере ея.

Иисус же рече ей: остави, да первее насытятся чада: несть бо добро отяти хлеб чадом и поврещи псом.