Книга Св. Евангелие от Луки Cтих 21

И отвещав царь речет им: аминь глаголю вам, понеже сотвористе единому сих братий моих менших, мне сотвористе. Тогда отвещает им, глаголя: аминь глаголю вам, понеже не сотвористе единому сих менших, ни мне сотвористе. Он же рече: темже убо блажени слышащии слово Божие и хранящии е. вы друзи мои есте, аще творите, елика аз заповедаю вам. глагола еи Иисус. не прикасаися мне, не у бо взыдох ко оцу моему. иди же ко братии моеи и рцы им. восхожду ко оцу моему и оцу вашему, и бгу моему и бгу вашему. а иже аще соблюдает слово его, поистинне в сем любы Божия совершенна есть: о сем разумеем, яко в нем есмы. Аще весте, яко праведник есть, разумейте, яко всяк творяй правду от него родися. и егоже аще просим, приемлем от него, яко заповеди его соблюдаем и угодная пред ним творим.

И бысть во един от дний, той влезе в корабль и ученицы его: и рече к ним: прейдем на он пол езера. И поидоша.

Идущым же им, успе. И сниде буря ветреная в езеро, и скончавахуся, и в беде беху.

И приступльше воздвигоша его, глаголюще: наставниче, наставниче, погибаем. Он же востав запрети ветру и волнению водному: и улегоста, и бысть тишина.

Рече же им: где есть вера ваша? Убоявшеся же чудишася, глаголюще друг ко другу: кто убо сей есть, яко и ветром повелевает и воде, и послушают его?

И преидоша во страну гадаринску, яже есть об он пол галилеи.

Изшедшу же ему на землю, срете его муж некий от града, иже имяше бесы от лет многих, и в ризу не облачашеся, и во храме не живяше, но во гробех.

Узрев же Иисуса и возопив, припаде к нему, и гласом велиим рече: что мне и тебе, Иисусе Сыне Бога вышняго? молюся ти, не мучи мене.

Повеле бо духови нечистому изыти от человека: от многих бо лет восхищаше его: и вязаху его узы железны и путы, стрегуще его: и растерзая узы, гонимь бываше бесом сквозе пустыни.

Вопроси же его Иисус, глаголя: что ти есть имя? Он же рече: легеон: яко беси мнози внидоша вонь.

И моляху его, да не повелит им в бездну ити.

Бе же ту стадо свиней много пасомо в горе: и моляху его, да повелит им в ты внити. И повеле им.

Изшедше же беси от человека, внидоша во свиния: и устремися стадо по брегу в езеро, и истопе.