Книга Св. Евангелие от Луки Cтих 15

Мариамь же соблюдаше вся глаголы сия, слагающи в сердцы своем. Он же рече: темже убо блажени слышащии слово Божие и хранящии е. иже таково завещание приемь, всади их во внутреннюю темницу и ноги их заби в кладе. Бывайте же творцы слова, а не точию слышатели, прельщающе себе самех. Долготерпите убо, братие моя, до пришествия Господня. Се земледелец ждет честнаго плода от земли, долготерпя о нем, дондеже приимет дождь ран и позден: овым убо, по терпению дела благаго, славы и чести и нетления ищущым, живот вечный. Терпения бо имате потребу, да волю Божию сотворше, приимете обетование: Яко соблюл еси слово терпения моего, и аз тя соблюду от годины искушения, хотящия приити на всю вселенную искусити живущыя на земли.

Никтоже убо светильника вжег, покрывает его сосудом, или под одр подлагает: но на свещник возлагает, да входящии видят свет.

Несть бо тайно, еже не явлено будет: ниже утаено, еже не познается и в явление приидет.

Блюдитеся убо, како слышите: иже бо имать, дастся ему: и иже аще не имать, и еже мнится имея, возьмется от него.

Приидоша же к нему мати и братия его, и не можаху беседовати к нему народа ради.

И возвестиша ему, глаголюще: мати твоя и братия твоя вне стоят, видети тя хотяще.

Он же отвещав рече к ним: мати моя и братия моя сии суть, слышащии слово Божие, и творящии е.

И бысть во един от дний, той влезе в корабль и ученицы его: и рече к ним: прейдем на он пол езера. И поидоша.

Идущым же им, успе. И сниде буря ветреная в езеро, и скончавахуся, и в беде беху.

И приступльше воздвигоша его, глаголюще: наставниче, наставниче, погибаем. Он же востав запрети ветру и волнению водному: и улегоста, и бысть тишина.

Рече же им: где есть вера ваша? Убоявшеся же чудишася, глаголюще друг ко другу: кто убо сей есть, яко и ветром повелевает и воде, и послушают его?

И преидоша во страну гадаринску, яже есть об он пол галилеи.

Изшедшу же ему на землю, срете его муж некий от града, иже имяше бесы от лет многих, и в ризу не облачашеся, и во храме не живяше, но во гробех.