Книга Св. Евангелие от Луки Cтих 37

приступи к нему жена, сткляницу мира имущи многоценнаго, и возливаше на главу его возлежаща. И сущу ему в вифании, в дому симона прокаженнаго, возлежащу ему, прииде жена, имущи алавастр мира нарднаго пистикиа многоценна: и сокрушши алавастр, возливаше ему на главу. Мариа же приемши литру мира нарда пистика многоценна, помаза нозе Иисусове, и отре власы своими нозе его: храмина же исполнися от вони масти благовонныя.

и ставши при ногу его созади, плачущися, начат умывати нозе его слезами, и власы главы своея отираше, и облобызаше нозе его, и мазаше миром.

Видев же фарисей воззвавыи его, рече в себе, глаголя сей аще бы был пророк, ведел бы кто и какова жена прикасается ему: яко грешница есть.

И отвещав Иисус рече к нему: симоне, имам ти нечто рещи. Он же рече: учителю, рцы.

Иисус же рече: два должника беста заимодавцу некоему: един бе должен пятиюсот динарии, другий же пятиюдесят:

не имущема же има воздати, обема отда. Который убо ею, рцы, паче возлюбит его?

Отвещав же симон рече: мню, яко емуже вящше отда. Он же рече ему: право судил еси.

И обращься к жене, симоновй рече: видиши ли сию жену? Внидох в дом твой, воды на нозе мои не дал еси: сия же слезами облия ми нозе и власы главы своея отре.

Лобзания ми не дал еси: сия же, отнелиже внидох, не преста облобызающи ми нозе.

Маслом главы моея не помазал еси: сия же миром помаза ми нозе.

Егоже ради, глаголю ти: отпущаются греси ея мнози, яко возлюби много: а емуже мало оставляется, меньше любит.

Рече же ей: отпущаются тебе греси.

И начаша возлежащии с ним глаголати в себе: кто сей есть, иже и грехи отпущает?

Рече же к жене: вера твоя спасе тя: иди в мире.

← Предыдущая

Св. Евангелие от Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода