Книга Св. Евангелие от Луки Cтих 10

Прииде бо Сын человеческий спасти погибшаго. не приидох призвати праведных, но грешныя в покаяние. кий человек от вас имый сто овец, и погубль едину от них, не оставит ли девятидесяти и девяти в пустыни, и идет вслед погибшия, дондеже обрящет ю? и пришед в дом, созывает други и соседы, глаголя им: радуйтеся со мною, яко обретох овцу мою погибшую. И обретши созывает другини и соседы, глаголющи: радуйтеся со мною, яко обретох драхму погибшую. Не посла бо Бог Сына своего в мир, да судит мирови, но да спасется им мир. Верно слово и всякаго приятия достойно, яко Христос Иисус прииде в мир грешники спасти, от нихже первый есмь аз.

Слышащым же им сия, приложь рече притчу, зане близ ему быти иерусалима, и мняху, яко абие царство Божие хощет явитися.

Рече убо: человек некий добра рода иде на страну далече, прияти себе царство и возвратитися.

Призвав же десять раб своих, даде им десять мнас, и рече к ним: куплю дейте, дондеже прииду.

И граждане его ненавидяху его, и послаша послы вслед его, глаголюще: не хощем сему, да царствует над нами.

И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили.

Прииде же первый, глаголя: господи, мнас твоя придела десять мнас.

И рече ему: благо, рабе добрый: яко о мале верен был еси, буди область имея над десятию градов.

И прииде вторый, глаголя: господи, мнас твоя сотвори пять мнас.

Рече же и тому: и ты буди над пятию градов.

И другий прииде, глаголя: господи, се мнас твоя, юже имех положену во убрусе:

бояхся бо тебе, яко человек яр еси, вземлеши, егоже не положил еси, и жнеши, егоже не сеял еси.

Глагола же ему: от уст твоих сужду ти, лукавый рабе: ведел еси, яко аз человек яр есмь, вземлю, егоже не положих, и жну, егоже не сеях: