Книга Первое послание Петра Cтих 10

аминь бо глаголю вам, яко мнози пророцы и првдницы вожделеша видети, яже видите, и не видеша, и слышати, яже слышите, и не слышаша. Сын убо человеческий идет, якоже есть писано о нем: горе же человеку тому, имже Сын человеческий предастся: добро бы было ему, аще не бы родился человек той. глаголю бо вам, яко мнози пророцы и царие восхотеша видети, яже вы видите, и не видеша: и слышати, яже слышите, и не слышаша. Ни бо волею бысть когда человеком пророчество, но от святаго духа просвещаеми глаголаша святии Божии человецы.

испытающе, в каково или в кое время являше в них дух Христов, прежде свидетельствуя о Христовых страстех, и о славах, яже по сих:

имже открыся, яко не им самем, но нам служаху сия, яже ныне возвестишася вам благовествовавшими вам духом святым посланным с небесе, в няже желают ангели приникнути.

Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.

Яко чада послушания, не преобразующеся первыми неведения вашего похотении,

но по звавшему вы святому, и сами святи во всем житии будите.

Зане писано есть: святи будите, яко аз свят есмь.

И аще Отца называете нелицемерно судяща комуждо по делу, со страхом жития вашего время жительствуйте,

ведяще, яко не истленным сребром или златом избавистеся от суетнаго вашего жития отцы преданнаго,

но честною кровию яко агнца непорочна и пречта Христа,

предуведена убо прежде сложения мира, явльшася же в последняя лета вас ради,

иже его ради веруете в Бога воздвигшаго его из мертвых и славу ему давша, яко да вера ваша и упование будет на Бога.

Душы вашя очистивше в послушании истины духом, в братолюбие нелицемерно, от чиста сердца друг друга любите прилежно,

порождени не от семене истленна, но неистленна, словом живаго Бога и пребывающа во веки.

Зане всяка плоть яко трава, и всяка слава человеча яко цвет травный: изсше трава, и цвет ея отпаде:

глагол же Господнь пребывает во веки. Се же есть глагол благовествованный в вас.

Первое послание Петра

1 2 3 4 5

Выбор основного перевода