Книга Первое послание Петра Cтих 3

ныне же Христос воста от мертвых, начаток умершым бысть. Благословен Бог и Отец Господа нашего Иисуса Христа, Отец щедрот и Бог всякия утехи, Бог же, богат сый в милости, за премногую любовь свою, еюже возлюби нас, Сам же Господь наш Иисус Христос, и Бог и Отец наш, возлюбивый нас и давый утешение вечно и упование благо в благти, Восхотев бо породи нас словом истины, во еже быти нам начаток некий созданием его. порождени не от семене истленна, но неистленна, словом живаго Бога и пребывающа во веки.

в наследие нетленно и нескверно и неувядаемо, соблюдено на небесех вас ради,

иже силою Божиею соблюдаеми есте чрез веру, во спасение готовое явитися во время последнее.

О немже радуйтеся, мало ныне, аще лепо есть, прискорбни бывше в различных напастех:

да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове,

егоже не видевше любите, и на негоже ныне не зряще, верующе же, радуетеся радостию неизглаголанною и прославленною,

приемлюще кончину вере вашей, спасение душам:

о немже спасении взыскаша и испыташа пророцы, иже о вашей благодати прорекоша,

испытающе, в каково или в кое время являше в них дух Христов, прежде свидетельствуя о Христовых страстех, и о славах, яже по сих:

имже открыся, яко не им самем, но нам служаху сия, яже ныне возвестишася вам благовествовавшими вам духом святым посланным с небесе, в няже желают ангели приникнути.

Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.

Яко чада послушания, не преобразующеся первыми неведения вашего похотении,

но по звавшему вы святому, и сами святи во всем житии будите.