Книга Первое послание Петра Cтих 1

Бяху же во иерусалиме живущии иудее, мужие благоговейнии, от всего языка, иже под небесем. парфяне и мидяне и еламите, и живущии в месопотамии, во иудеи же и каппадокии, в понте и во асии, Иаков, Богу и Господу Иисусу Христу раб, обеманадесяте коленома, иже в разсеянии, радоватися. Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их влки отметающеся, приводяще себе скору погибель. Павел, раб Божий, апостол же Иисус Христов, по вере избранных Божиих и разуму истины, яже по благочестию,

по прозрению Бога Отца, во святыни духа, в послушание и кропление крове Иисус Христовы: благодать вам и мир да умножится.

Благословен Бог и Отец Господа нашего Иисуса Христа, иже по мнозей своей милости порождей нас во упование живо воскреснием Иисус Христовым от мертвых,

в наследие нетленно и нескверно и неувядаемо, соблюдено на небесех вас ради,

иже силою Божиею соблюдаеми есте чрез веру, во спасение готовое явитися во время последнее.

О немже радуйтеся, мало ныне, аще лепо есть, прискорбни бывше в различных напастех:

да искушение вашея веры многочестнейше злата гибнуща, огнем же искушена, обрящется в похвалу и честь и славу, во откровении Иисус Христове,

егоже не видевше любите, и на негоже ныне не зряще, верующе же, радуетеся радостию неизглаголанною и прославленною,

приемлюще кончину вере вашей, спасение душам:

о немже спасении взыскаша и испыташа пророцы, иже о вашей благодати прорекоша,

испытающе, в каково или в кое время являше в них дух Христов, прежде свидетельствуя о Христовых страстех, и о славах, яже по сих:

имже открыся, яко не им самем, но нам служаху сия, яже ныне возвестишася вам благовествовавшими вам духом святым посланным с небесе, в няже желают ангели приникнути.

Темже, возлюбленнии, препоясавше чресла помышления вашего, трезвящеся, совершенне уповайте на приносимую вам благодать откровением Иисус Христовым.