Худо биз билан биргадир, У бизнинг йўлбошчимиздир. Унинг руҳонийлари карнайлар чалиб, сизларга қарши жангга даъват қилади. Эй Исроил халқи! Ота–боболарингизнинг Худоси — Эгамизга қарши жанг қилманг, сиз барибир муваффақиятга эришмайсиз!”
Мазлум учун Эгамиз қалъадай бўлади, Ҳа, қайғули дамларда У паноҳ бўлади.
У улуғвор Шоҳ ким экан? Жангларда ғолиб бўлган, Кучли, қудратли Эгамиз Шоҳдир!
У улуғвор Шоҳ ким экан? Сарвари Оламнинг Ўзи улуғвор Шоҳдир.
Кулфатда қолганингда, Эгамиз сенга жавоб берсин, Бобомиз Ёқубнинг Худоси сени тинч–омон сақласин.
Худо Қуддуснинг қўрғони ичида туради, Унинг қалъаси бўлиб, Ўзини намоён этган.
Энди бунга нима деймиз? Худо биз томонда экан, ҳеч ким бизга қарши тура олмайди!